திருவாசகம் - போற்றித் திருவகவல் (வரிகள் 137-142)

பாடல்:

பாரிடை ஐந்தாய்ப் பரந்தாய் போற்றி

நீரிடை நான்காய் நிகழ்ந்தாய் போற்றி

தீயிடை மூன்றாய்த் திகழ்ந்தாய் போற்றி

வளியிடை இரண்டாய் மகிழ்ந்தாய் போற்றி

வெளியிடை ஒன்றாய் விளைந்தாய் போற்றி

அளிபவர் உள்ளத் தமுதே போற்றி

விளக்கம்:

பஞ்ச பூதங்களாகிய நிலம், நீர், நெருப்பு, காற்று, ஆகாயம் ஆகிய அனைத்திலும், அவற்றின் அடிப்படைத் தன்மைகளாக (ஐம்புலன்களால் உணரப்படும் தன்மைகளாக/தன்மாத்திரைகளாக) இறைவனே நீக்கமற நிறைந்துள்ளான் என்னும் மாபெரும் தத்துவ உண்மையை மாணிக்கவாசகர் இவ்வரிகளில் சுட்டிக்காட்டுகிறார். சடப்பொருட்கள் அனைத்திலும் அதன் தன்மையாகக் கலந்துள்ள இறைவன், சித்துப் பொருளாகிய உயிர்களின் உள்ளத்தில் அன்பெனும் அமுதமாகக் கலந்துள்ளான் என்பதை இவ்வரிகள் மிக நுட்பமாக உணர்த்துகின்றன.