Anonymous

قبل سنتين فقدت قابليتي انه اطلع للشغل ، كانت عطلة صيفية وكنت اشتغل حتى اوفر تكاليف الجامعة ، كنت اعاني من الوحدة لفترة طويلة وسنوات عديدة وتجاهلت مشاعري لحد ما كعدت يوم ماكدر اطلع من باب غرفتي ، كنت احس بالاكتئاب وبقيت اسبوعين مثل جثة ما اكدر انام ولا اكدر اشتغل مجرد اتنفس وافكر ، كنت افكر اذا عندي قابلية اصنع تطبيق للاشخاص اللي يحسون بالوحدة ويفضفضون بدون ما احد يعرفهم ، سألت جات اذا اكو هيج شي وطلع موجود ، جربت تطبيق لأول مرة وتكلمت ويا شخص لطيف ، طلعت من غرفتي ورجعت اشتغل والامور طيبة لكن بقيت ابتعد لان اعرف اذا راح انجرف راح افقد سيطرتي على حياتي ، استخدمت تطبيقات عديدة خلال سنتين وكلها حسابات احذفها واعيد اسوي غيرها ، كل حساب معناها اني بحالة سيئة ، كل تسجيل دخول يقتل جزء مني ، كل معرفة لطيفة ويا شخص تخليني احس بالاكتئاب لفترة بعد ابتعادي وحذف حساباتي ، لا ازال بعدني بنفس الدائرة ، احياناً اتمنى لو بقيت مطحونة من التعاسة والوحدة ولا اكون هنا او هناك