بشكك كتير بس برضو جزء مني مش مقتنع

بصو يجماعه انا بعد ما دورت كتير عن احكام معينه في الاسلام كنت وصلت بوينت الحاد تام تمام ومعظم اسباب الحادي كان احكام عالمرأة وطريقة تعامل الاسلام معاها تمام. انا فعلا مش مقتنعه بحاجات كتير ومهما اسمع تفسيرات بتبقى يا لف ودوران يا فعلا بيأيدو حاجه قامعة ومستنقصة للمرأه. المهم دلوقتي انا بدأت استوعب برضو طب انا برضو مش مقتنعه ان بعد الموت مش هيكون في حاجه مش عارفه اقتنع ان مفيش حاجه بعد الموت ومش مقتنعه برضو ان احنا مثلا اتوجدنا من اللاشيء. ف كتفكير انا مؤمنة ان في اله هو اللي خلقنا وان لما نموت برضو كلو هيتحاسب او هيكون في حاجه عامة بعد الموت. فنفس الوقت زي ما قولت انا مش مقتنعه بأحكام كتيره فالدين. فلو حد عنده رأي او فكرة فالموضوع يفيدني يعني لو انت/ي ملحد/ة دلوقتي هل فعلا مصدقة انه اتوجدنا كده من العدم وكمان لما نموت مش هيبقى في حاجه بعد الموت؟ طب اشرحلي ايه مأكدلكو حاجه زي دي!

الموضوع بجد تاعبني نفسيا جدا عشان انا لا عارفه الحد تماما ولا عارفه اكون مسلمة مقتنعه تماما فواقفة فالنص كده..

حكيت لواحدة صحبتي ملحدة وهي مش شايفة ان في حاجه بعد الموت بس انا مش مقتنعه بأمانه وبقيت خايفة فشخ من الموت بسبب ده..

اللي عنده رأي او مر بنفس التفكير ياريت يقولي وجهة نظره.