اني ما استخدم تطبيقات التواصل العامة مثل انستا او واتساب او تليجرام وما ندر اقرر اضيف تطبيق جديد للتواصل ويمكن هم مدة وامسح الحساب او اغير او امسح كلشي (بدون سبب بس احب افرغ المحادثات الي ما استخدمهة)

استخدم line و reddit و bluesky

ولا واحد يستخدم line ف محد يجيني

ومن يجيني واحد يگلي شلون اراسلك علمود تدزلي حل اگلة نزل line وعود ادزلك ويظلون

اول سنة كلشي ما اطيتهم حتى رقمي كتلهم تريد شي راسل على line واطيتهم اليوزر 

الدراما و المشاكل الي صارت بيناتهم وخير من الله مشاكل واني جنت كاعد مرتاح

ثاني سنة كدرو يحصلون رقمي (ما اعرف شلون حصلوه ) ورة مدة مسحت كلشي وسويت نفسي متهكر والرقم غيرتة والعطلة جنت مرتاحهة وهم سوو مشكلة جبيرة بيناتهم

هذي السنة كدرو يحصلون الدسكورد ورقمي من واحد من طلاب الي امشي وياهم (طالب مو من القسم) وبدة الازعاج طبعا نزلت قبل شهرين او 3  تليجرام و الحظر اجة بوكتة ف مسحتة علمود ما يزعجوني وهم من يرجع التلي هم ما يفكرون

ف بديت اسوي نفسي ناوي احول رقمي علمود محد يراسلني لا بل عطلة ولا المرحلة الرابعة وگتلهم عود راح امسح الحساب علمود احول عود راح اكطيكم بعدين اليوم اخر يوم دوام الي لحد الامتحانات ف بعد مستحيل يحصلوه لحد السنة الجاية (lol)

طبعا ليش جاي اسوي هذا ؟

الصراحة ما اريد الطلاب يراسلوني لين محد يجيني من يمهم على شي غير ادز التقرير او حل الهوركات ولة الي يجي يتعارك لين ما غششتة (وهمة ولا واحد من يمهم يستاهلة لينهم كلهم عدة كم شخص زينين وهمة مدبرين وظعهم و البقية مصلحة و حجي بلظهر)  

وهم الراحة النفسية من محد يزعج او يخابرك بنص اليل يريدك تشرحلة اسئلة

And it's funny ngl

احلة شي من محد يراسلك بنص الليل