صحيت انهارده علي اكونت عندي علي انستجرام حاطط صور لبنت اعرفها و باعتها لاهلها

حرفيا زي ما قريتو بظبط اني صحيت لقيت اكونت عندي حاطط صور لبنت باين انها كانت بعتهالو و حاطط سكرينات لكلامهم كلو هو دخل في اكونت البنت الله اعلم ازاي و راح حاطط صورها لكل الناس اللي عندها تشوف و طبعا بعت لاهلها الموضوع وجع قلبي جدا من كل حاجه فيه و اكتشفت قد ايه حاجه زي كدا منتشره جدا و كمان من البوستات اللي بشوفها من علي ريديت ان بنات كتير وولاد بيعملو كدا و بيبعتو صورهم باوضاع مخله لناس غريبه اذا كان ده او حوار السكس شات ولا القرف ده

انا مش جايه هنا باي شكل من الاشكال اني الوم الضحيه او افضح البنت او اعايرها بذنوبها بس جايه اتكلم بجد يمكن البوست ده يفوق اي شخص بيبعت صورو لحد و مش بس كلام للبنات بس للاولاد برضو لانهم بيحصلهم ابتزاز بصورهم كذالك

خدوها قاعده في حياتكم بشكل عام مش بس صور لا كمان شات كمان فويسات عمركم في حياتكم ما تحطو نفسكم في الوضع ده و تحطو نفسكم تحت رحمه بني ادم و ان حد يكون معاه حاجه يلوي دراعكم بيها في يوم من الايام و كسم الحب محدش بيحب حد بيطلب منو ده وميتين ابو الحب اللي يخليكي تتصوري عريانه لواحد انو اعرفي حتي لو بيحبك بجد و كل الكلام الاهطل ده ممكن في يوم من الايام مشاعرو تقلب و يقلب عليكي و يفشخك في حياتك يا بنات و يا ولاد ارجوكم بطلو تعملو في نفسكم كدا خليكم دايما مرفوعين الراس محدش يذلكم و يفضحكم حافظو علي حرمت جسمكم و علي امانت ربنا ليكم لحد ما ربنا يرزقكم بحد شبهكم محافظ علي نفسو لانو اللي محافظ علي نفسو و جسمو يستاهل واحده كمان كدا لان بجد يا جماعه الموضوع سئ جدا انا مش متخيله البنت دي حسه بايه دلوقتي انها من غلطه متخلفه زي دي هتدفع تمنها غالي جدا

اتمني الكلام يوصل لحد محتاج يسمعو و ربنا يهديني يهديكم يارب علي المشمش اللي في دماغكم