ملحوظة قبل ما ابدا اتكلم انا مش جيمر و مش مهتم بالمجال بس صادفتني فيديوهات عن لعبة) براجماتا و الكلام هنا مش علي اللعبة لكن علي الببدوفيليا فلو في حد مهتم بالمجال أو جيمر اتمني (يصحح لو قلت شيء غلط و ميتعصبش منه  
في اخر فترة قابلني فيديوهات كتير عن لعبة براجماتا و بدون دخول في تفاصيل القصة انت فيها بتلعب بشخصية اسمها هيو و انت المفروض في محطة فضائية و المفروض تحمي روبوت اسمها ديانا. ديانا دي انسان آلية بوعي طفلة عندها ٦ أو ٧ سنين. شكلها شكل طفلة صوتها صوت طفلة تصرفاتها تصرفات طفلة و جسمها جسم طفلة و نركز اوي علي اخر حتة دي علشان هنحتاجها بعدين.  
ديانا كيوت جدا و لطيفة و تعمل تصرفات تصحي جينات الأبوة والأمومة في اللي بيتفرج عليها. فمثلا لما تحب تشكرك توريك رسمة رسمتهالك انت و هي أو تلعب بمجسم كوكب الارض زي القرموطي أو لما يكون في مهمة و انت بتفكر تعمل ايه تلاقيها بدأت ترقص بشكل قمة في العشوائية و العفوية . و طبعاً كل ده بيخلي في ترابط عاطفي مع الشخصية و يخليك تحبها و انا كشخص ملعبتش الجيم حابيت ديانا جدا  
المشكلة أن في الصفحات العربية تقريبا اغلب الكومنتات بتقول أن دي بيدوفيليا و أن اللعبة دي بتحرض علي البدوفيليا و بيتكلم بجد و بيقولوا أن البنت لبسها مش مستوى و فاضح.( احب افكركوا أن ده جسم طفلة عندها حوالي ٦ سنين) و في البيهذر في الموضوع ده و بيتكلم بمنتهي الهدوء و الاستهتار في موضوع البيدوفيليا و بيضحك و بيهذى في موضوع جزيرة ابستين و ناس كتير مسمية الاكونت بتاعها ابستين و بتتكلم علي لسانه و بيقولوا اد ايه اللعبة جميلة و كلام ليحمل معنايين بشكل واضح و فعلا كله بيدوفيليا كان شئ مأساوي ذي جزيرة ابستين ده شئ يستحمل الهزار و الضحك.  
فدي من الحاجات اللي عايز اتكلم عنها ليه بقا اني اقول اني بحب الاطفال او اني بحب شخصية ديانا دي بيدوفيليا أو اول شئ بيجي علي بالنا هي البيدوفيليا أو أي شخصية طفلة في أي رواية أو مسلسل أو حتي طفلة بجد.  
و الشئ المرعب الثاني اللي عايز اتكلم عنه هو تعامل الغرب مع الجيم. 

احب اقولك أنهم قفلوا صب ريديت علشان كان مليان خيالات و قصص جنسية من الناس علي شخصية ديانا. انا اقسم بالله خايف اشوف هما كانوا بيقولوا ايه في الصب ريديت ده للدرجة اللي يقفلوه. و كمان ان في مودز و دي بتبقي تعديلات برمجية  من الجيمرز نفسهم مش من الشركة نزلت للعبة فيها ديانا عريانة تماما.  
انت مستوعب كمية القرف و الرعب في الموضوع و كل ده علي نطاق لعبة واحدة بس

  
انا حبيت اني استعرض الموضوع معاكم و نتناقش فيه

الحديث عن اليدوفيليا و لعبة براجماتا