السلام عليكم، ياريت تنصحوني

السلام عليكم ، بدي نصيحتكم، انا الي اخ عمره 14 سنة، جديد صار يحكي مع بنت ، انا حاولت اني احكي معه وافهمه انه بهاد العمر الحكي غلط ولساتكم صغار و بلاش ما تفكر حالك بتحبها و البنت تحبك و تصير القصص هاي و يتوجعوا، بتعرفوا قصص المراهقين يعني بتتأثر حياتهم كامله و اصلا ما بكونوا بفكروا بطريقه صحيه، لذلك حاولت انصحه وامنعه عشان البنت وعشانه ، اولها كان بدي امنعه تماما ( بيني وبينه علاقه قويه لاني انا ربيته فبعتبرني أمه) ، لكن بعدين تناقشنا وحكالي انه اسيبه براحته و اثق فيه وانه هو حيعتبرها صديقه، انا بيني وبين حالي قلت خليني اخليه و يحكي معها وانا عارفه احسن من انه يخبي علي، لكن الان بكتشف انه بحكوا مع بعض اكثر و اكثر كل يوم و برضو هو حاكي عنها لصحابه، شو الحل؟ شو اتصرف بهاي الحاله؟ انا ما عندي خبرة للامانه، ما بدي اغلط بالتصرف معه، وامنا وابونا حاليا مش بوضع اقدر انقللهم القصه هاي لذلك انا لازم اتصرف، ياريت تنصحوني خصوصا الشباب عشان انا احاول افهم اخوي ، وبرضو اعرف اتصرف معه بطريقه منيحه، يعني انا هدفي ما يتعبوا نفسيا، لانه همه صغار مش واعيين وبنفس الوقت بديش اضر اخوي بتصرفي لانه مراهق وكذا، ياريت اللي عنده نصيحه يحكيلي، شكرا مقدما🙏🏼