السلام عليكم ورحمة الله...

غالبية اللي هنا صاروا يعرفوا عن موقع bmopc، وبحكم دعمكم الرهيب جدا ما قدرت أوقف شغل على الموقع من الأسبوع الماضي.

ويش تغير من آخر تحديث؟ 

\- أضفت صفحة مخصصة للعروض، تتحدث بشكل يومي عشان تجيب أجدد الصفقات من كل المتاجر اللي في الموقع.  مثل ما واضح في الصورة، يمديك تشيك على العروض من الأكثر تخفيضا للاقل، وتقدر تفلتر حسب الفئة...  حاليا مخليها تبين العروض للأسبوع كامل او الشهر لان أعداد العروض في اليوم الواحد عادة تكون بسيطة، بس احتمال أضيفها اذا ودكم تشوفوا التخفيضات لكل يوم. 

\- في المرة الماضية خبرتكم ان إضافة امازون كانت جزئية، الحين أمازون السعودية والإمارات متواجدين في الموقع بشكل كلي فيما يتعلق بقطع البيسي ✅️ وصل عدد المنتجات في الموقع لأكثر من 17500+ 

\- يمديك الحين تشيك على تاريخ الأسعار للقطع اللي في الموقع عشان تتعقب تحركات السعر في ال ٣٠ يوم الماضية (أفكر أزيدها قريبا ل٩٠ يوم أو أكثر) 

\- صفحات المنتجات وقوائم الأسعار صارت تتضمن نسبة التخفيض للمنتجات اللي عليها عروض. 

\- تم إضافة الوضع النهاري للموقع بناءًا على تعليقاتكم.

هذي صفحة [العروض](https://bmopc.com/deals) للي مهتم يشيك على الجديد 👀

الموقع ولله الحمد وصل بعيد بسبب دعمكم ♡ وانا أنتظر أي آراء او تعليقات عشان أبدا أشتغل فيها وأحسن تجربة المستخدم 🫡

حرفيا أي نقد عندك عن الموقع بيفيدني كثيير. 

مكان واحد يجمع كل عروض قطع البيسي