منصة اكتشاف ألعاب لوحدي من الصفر

السلام عليكم

من فترة بنيت Firecave لوحدي من الصفر

الفكرة بسيطة — إنك تلاقي أي معلومة عن أي لعبة في مكان واحد بسهولة وببساطة وبسرعة بدون اعلانات من غير ما تدور في مليون موقع

تقدر تشوف معلومات اللعبة الكاملة — اسمها، تاريخ إصدارها، منصاتها، المطور، الناشر، ومحرك اللعبة

سعرها الحالي وأرخص سعر وصلتله من متاجر مختلفة زي Steam وGOG وEpic وHumble وأكتر

تريلراتها، الـ mods بتاعتها من Nexus Mods، وقت اللعب سواء القصة بس أو مع الإضافات أو تختيم كامل، متطلبات النظام بالتفصيل، اللغات المدعومة صوت وترجمة وقوائم، تقييم Metacritic، ألعاب مشابهة وسلسلة الألعاب والإضافات، وحتى أسماء اللعبة بلغات مختلفة وتعريب الألعاب الي مش بتدعم اللغة العربية

وكمان تقدر تقيم الألعاب وتعمل قوائم بمزاجك — لعبتها، بتلعبها، أو نفسك تلعبها — وتشاركها مع أصحابك

كل ده في مكان واحد من غير ما تفتح مليون تاب

الـ stack

Next.js App Router + PostgreSQL + self-hosted على VPS عن طريق Coolify + Cloudflare

الداتا بتاعت الألعاب من APIs زي RAWG, IGDB, ITAD, Nexus mods

شغالين مع بعض بطريقة اوتوماتيك وذكية بدون اي تدخل مني

دلوقتي:

+220 مستخدم عامل اكونت عن المنصة، مع اكتر من 1000 زائر شهريا ودا من كام بوست على الفيس وريدت بس الحمدلله

وأطلقت الواجهة العربية مؤخراً برده

الحمدلله دا كله في فترة من 8 ل 10 شهور تقريبا

ولسه في تحديثات كتير وافكار اكتر مجمعها في ملف وبشتغل عليها واحدة واحدة منها اني هعمل المنصة ابليكيشن على الموبيل إن شاء الله

حاليا مشكلي الأكبر في التسويق واني مش عارف انشر المنصة

وللأعداد دي محبطاني للأسف

وخايف يكون دي حاجه ملهاش لزمة وكل التعب والوقت دا على الأرض

وبفكر ابيع كل حاجه من ال codebase لحد ال infrastructure والدومين

لو عندك أي سؤال عن الـ architecture أو الـ deployment أو عندك اقتراح أنا هنا

اللينك في الكومنتات ♥️