حاسة بعد ما أقول رأيي هتحارب بالداون فوت

أكتر ناس مش بحب محتواهم على السوشيال ميديا البنات المنتقبة والمختمرة اللي بيعملوا فيديوهات وهما بيرقصوا على أغنية وغالبًا بيكون نشيد لا لا تحسب أن الدين بعيدًا عن حب وحياة، على أساس كدا بقى ف الفيديو والرقص والتمايل حلال يعني.

ربنا يهديهم بجد لإنهم بالنسبالي أخطر من اللي مش لابسة زي شرعي على الاقل لما أختي أو بنتي يشوفوا اللي مش بتلبس زي شرعي مش هيقلدوها إنما المنتقبة أو المختمرة دي بتكون قدوة بالنسبة للبنات الصغيرة وبيفكروا فيها إيه لما ألبسهم وأقوم أعمل فيديوهات تيك توك.

الأنيل بقى الكومنتات اللي بيكونوا بارك الله فيكي يا أختي، أو تقبلين الزواج مني وصاحبة الفيديو ممكن ترد وتقولهم وإياك يا أخي.

بتعملوا إيه الله يصلح حالنا وحالكم