ازاي تختار مقاس الفريم بتاعك صح في العجل ؟

اختيار الفريم في العجل مش دايما سهل. اوقات كتير بيحتاج شويه تجربه. انا شخصيا وقعت في الغلطه دي و انا بشتري اول عجله.

الموضوع له طريقتين. له طريقه هبد (سهله و سريعه) و له طريقه علميه.

الطريقه السهله هي انك تقف علي العجله قدام ال top tube

المفروض تكون قادر تدخل 3 صوابع بينك و بين الفريم من فوق. يعني او في مسافه كويسه. لو اكتر يبقي صغير. لو اقل يبقي كبير

الطريقه التانيه بيكون في frame sizing chart

كل فريم بيكون له مقاس. طبعا كل شركه و اسم دي طريقه بتحسب طول ال inseam

بس في الماونتن مثلا 19 انش (مقاس الفريم)
و ياريت منلغبطوش دا مش مقاس العجل (26 و 29)
في فرق بين دا و دا. مقاس العجل ملوش علاقه بالطول. عادي صاحبي قصير شويه. و راكب 29. و واحد تاني طويل راكب 26. ملهاش علاقه خالص بالطول.

انت عشان تحسب مقاس الفريم بتاعك
بتحسب حاجه اسمها inseam

دي انت بتحط كتاب بين رجلك و ترفعه فوق خالص. احسب و انت لازق ظهرك و كلك في حيطه. و شوف المسافه بين الكتاب من فوق للارض

و ياريت يبقي كتاب تخين شويه.

عشان تحسب مقاس الفريم
بتضرب طول ال inseam

0.67 في العجل الرود
هيطلع لك المقاس بالسنتي

example = 80x0.67 = 53.6

هنا بنختار المقاس الاكبر اللي بعده. او الاقرب منه عموما

في الماونتن بتضرب
المقاس بالسنتي x0.226

80x0.226= 18

بتحسب يعني اكبر او اصغر درجه. يعني اقرب حاجه ليك

و عموما الفريم الاكبر مضر اكتر من الصغير. و مش هتعرف تصلحه بسهوله. يعني الصغير سهل هتزود ال reach

في بوست بكرا هننزل بالتفصيل ازاي تعمل bike fit

في البيت. طبعا basic

لكن يعني هيفرق كتير. دا في الرود. الماونتن له حساب تاني برضوا له بوست تاني.