بسمع عن ناس كتير لما بتتحرق بيحطو تلج على مكان الحرق و دا مش صح لأن التلج دا بيعرض الأنسجة فالمكان للضرر اكتر عشان بيقلل وصول الدم لمكان الحرق

طيب نعمل ايه؟؟

1- اول حاجة بنشيل اي خاتم/ ساعه من مكان الحرق لأن المكان دا احتمال يورم و هيبقا شيلها صعب و تسبب وجع

2- تحط ايدك تحت مياه الحنفيه (درجة الحرارة العادية) لمدة 10 ل 15 دقيقه

3- تستخدم شاش لتغطية مكان الحرق عشان ميحصلش عدوى (الشاش ميكونش ضيق عشان يسمح للدم يوصل لمكان الحرق عشان عملية التعافي healing تتم)

4- مرطب للجلد  عشان مش ينشف و يشقق ( لو شقق هيزود احتمال حصول عدوى)

و أخيرا لو الجلد عمل تجمعات ميه blisters مش تفتحها و لو اتفتحت نشفها و عقم مكانها كويس عشان العدوى

Source: https://www.mayoclinic.org/first-aid/first-aid-burns/basics/art-20056649

تعمل ايه لو اتلسعت/ي فالمطبخ