هذا النوع الهابط من التلوث السمعي اللي ماله علاقة بالفن كله، يبدأ فيه المطرب الشعبي بالمبالغة في مدح نفسه و مدح أصدقائه، و المبالغة في ذم الأعداء( اللي غالبا مش موجودين الا في راسه)، ناهيك عن الكلمات و الإيحاءات الهابطة اللي في بعض منها. 

الأشخاص اللي مدمنين على سماع هاي الأشياء لاحظت عليهم صفات مشتركة، زي الثقة العمياء بالنفس، التهور، الاندفاع، و اتخاذ قرارات طائشة لا يحمد عقباها.

هاي الآثار تظهر بسبب الحالة الشعورية و المزاجية اللي تسببها كلمات المهرجانات هاي، و إيقاعاتها اللي فيها شحنة عالية كثير من الدوبامين، فيشعر السامع أنه شخص خطير أو مسؤول مهم، يمكن وزير أو ضابط مخابرات رفيع أو رجل مافيا ثروته تقدّر بتسع أصفار. 

يا ريت أنه نستبدل هذا التلوث السمعي بأي نوع ثاني من الأغاني، أو على الأقل نخفف منه و ما نسمع حدا مشغله في السيارات بصوت عالي ولا في الحفلات ولا في أي مكان.

المهرجانات المصرية ..❌🪣