ملي كيقول وهبي نحن في نظام رأسمالي، كيعني أن اللعبة هكا دايرة الربح كيمشي الصحاب المال والمقولة ديال المخطط التشريعي يخدم البورجوازية كتعني أن القوانين اللي كتحط (التشريع) غالباً ما كتكون في مصلحة هادوك اللي جالسين فوق الطبلة أصحاب الشركات كبار المستثمرين العائلات الغنية ) باش يبقاو محافظين على الامتيازات ديالهم، بينما الناس اللي لتحت كيخصهم يبقاو يجدفو باش السفينة ما توقفش. هاد الناس اللي لتحت عريانين وكيضربو تمارة، هما اللي كيحركو السفينة بمجهودهم العضلي وعرق كتافهم هادو كيمثلو عامة الشعب اللي كيخدمو في المعامل والمصانع وفي الظروف الصعبة. هاد الناس هما اللي هازين الاقتصاد على كتافهم، ولكن في الأخير السفينة غادة بيهم، ولكن الثمار والراحة كيمشيو للناس اللي الفوق. . الصورة كتقول لينا أن الرفاهية ديال الفوق مبنية على العذاب والتعب ديال التحت، وأن القانون المخطط التشريعي هي هاديك الخشبة اللي كتحبس الناس ديال التحت باش ما يطلعوش لفوق، وكتضمن للناس ديال الفوق يبقاو مستمتعين بالمنظر وبالأكل.

Awddiiii