ما تحكولي خفيفة بليز لأنه الموضوع مو بإيدي

انا صبية من عرب ال٤٨ ، بدرس طب بالتكنو و في شب بالتكنو هو اردني بس ما بعرف ازا اصلو فلسطيني او اردني هو من دار الروسان ، كان معي باللاب و بصراحة الشب بيخوت كشكل و لبسو كتير stylish و اسلوبو كتير حلو و زكي قعد يشرحلنا و شرحو احسن من الدكتورة و غير اسلوبه كيف يمزح و دايما مبتسم و مثقف يعني سألت الدكتورة ازا في مزغان باللاب و هي ما فهمت علي راح قللها انه قصدي مكيف ، انا عنجد الشب عاجبني كتير و نفسي يكون صديق الي على الاقل بس بحس نظرة الناس هون لعرب ال٤٨ شوي غريبة و ما بيحبونا حتى يلي اصولهن فلسطينيي ، الشب كان كتير محترم معي بس ما حسيت في هالاهتمام المميز الي، يعني مبين انو هوي هيك طبعو ، بدي اعرف شو اتصرف لأنه شاغل بالي كتير و ما بغدر اني ابادر انا او شي بخاف يشوفني بنظرة غلط