اكو اهتمام بكورس صناعة أفلام بالعراق؟

اني درست صناعة أفلام بكندا واشتغلت بستوديوهات تصوير وسويت أفلام قصيرة (كتبت واخرجت وانتجت). بعدني ببداية مشواري، وعادةً الشخص بهالمرحلة مو بالضرورة يدرّس، بس أشوف أكو نقص بمعاهد أو كورسات لصناعة الأفلام بالعراق، حتى لو كورسات قصيرة وبسيطة.

وأعتقد عندي الخبرة الكافية حتى أقدم كورس عملي قصير يخلي المشاركين يطلعون بالنهاية وهم مسوين فيلم قصير خاص بيهم، وبنفس الوقت يكتشفون إذا هذا المجال فعلًا يناسبهم أو لا، يعني يجربون المجال بدون ما يضيعون سنين أو مبالغ كبيرة بس حتى ياخذون فكرة عنه.

إذا أكو اهتمام، شنو أكثر شي تحبون تتعلموه؟ كتابة؟ إخراج؟ تصوير؟ مونتاج؟ شلون تبدون اصلاً؟