ليش الناس بتكره؟

غالبا كل واحد رح يقرأ كلامي رح يكون بكره شخص واحد عالأقل، مش انه مزعوج منه أو ما بحب يشوفه، لأ بكرهه وفي ناس بتوصل معهم إنهم يروحوا يعملول أي إشي يضرّوا فيه الشخص اللي بكرهوه.

يعني ليش ما نحاول نتجنب هاد الشخص؟ أو نتجاهله؟

أنا في كثير ناس بحياتي ما بحب ألتقي فيهم أو أحكي معهم بسبب مواقف سيئة عملوها بحقي، ولكن شعور الكره والحقد والغل مش موجود تجاههم، أنا بتجنبهم وببعد عنهم بدون ما أخلي سيرتهم ع كل لسان أو أحاول أأذيهم.

طبعاً مشان ما حدا يحكيلي خلص ما رح نكره نتنياهو ، أنا ما بقصد بهاد الكلام الأشخاص المجرمين (المغتصبين، القتلة….) ، فقط مقصود أشخاص في خلافات شخصية بيننا وبينهم.