ممكن الناس ترحم بعضها؟
ممكن الشباب والبنات يرحموا بعض؟ ويرحموا الناس كلها عموما؟
ممكن تسيبوا الناس ف حالها؟ لو شوفتوا اتنين ماشيين مع بعض نفس الطول حطوا جزمه ف بقكوا واسكتوا.
لو شوفتوا اتنين ماشيين مع بعض والبنت اطول من الولد اسكتوا
لو شفتوا اتنين باين عليهم شكليا أنهم من الطبقه اللي بتدخل المكان ده ف المعتاد اسكتوا
حد شغال تعبان وطالع عين امه ومش مهتم ب مظهره لدرجه مش لازم تنقضوا
واحده جسمها زايد شويه أو قليل شويه تخرسوا هي عارفه مصلحتها ويمكن حابه جسمها كده ويمكن حتي جسمها رسمته احسن منك انتي شخصيا ويكون مثالي ومظبوط لطولها وعرض أكتافها بس لبسها محترم وواسع
واحد حبك بس مش بالطول الاڤر اللي انتي عايزاه مش لازم تجرحي فيه أو بيشتغل ب ال 12 ساعه ومش عارف ينزل جيم ولكن جسمه كويس ومتناسق بس مش معضل مش لازم حضرتك تجرحي فيه
مش لازم حضرتك تكسف صحبتك أو خطيبتك أو مراتك ف وزنها ممكن تكون فتره اكتئاب او ف شكلها ممكن تعبانه جسديا أو نفسيا متحسسهاش انها ناقصه وأنها ولا حاجه ولكن يمكن هي قلت اهتمام بسيط جدا
ممكن لو شوفنا شاب أقرع منعلقش!!! اقسم بالله هو بيبقي عارف والموضوع ده خانقه بس مش عارف يعمل ايه
ممكن كفايه نخرس لو لقينا صاحبنا أو صاحبتنا أو اللي بنحبهم بقول اوڤر ويت شويه
ممكن كفايه تنمر علي الناس وخلقت ربنا!!!
كفايه استحقاقيه اوڤر واستحقاقيه مكتسبه من غير حق وانتوا ب أشكالكوا دي متستحقوش تقولوا النقض اللي بتقولوه علي الناس دي ولا ليكوا حق اصلا وطالبين حاجات خياله ف المقابل انتوا متستاهلوهاش شغل النت والسليبراتي كراش المقرف عن الطول والجسم والعضلات والكيرڤي كل ده مرض لازم تتعالجوا منوا بقيتوا شعب مقرف مبيرحمش الناس وشوفت ناس كتير بتتجرح بكلام عشان شويه مقرفين زيكوا
Posted May 12, 2026, 8:26 AM UTC