ابن الوزير وزير

بعرف الاغلب بيزعلو من هاد الشيء وبحسو حالهم مظلومين ومتفهم هاد الاشي بس انا كشخص بصراحه بحب افكر بتجرد شوي ليه طيب ابن الوزير وزير هل بس عشان المعارف والواسطات ولا في سبب ثاني وهو الاصح في سبب ثاني

ابن الوزير وزير لانه الي ابوه وزير بكون الاب عارف شو المتطلبات للشخص بانه يكون مؤهل ليصير وزير وهون الفكره كلها بكون انا كأب بشتغل عابني من اول ما ينولد بهاد الموضوع بدخله المكان المطلوب وبعرفه على الاشخاص المطلوبين وببني عنده قدرة تحدث ولباقة من الصغر بصير ابنه حرفيا مش واصل لعمر ال18 و 20 غير هو كفء يتعين بمكان مثل الوزارات ومن هلحكي انا ما بقول انه الشيء هذا منيح او انهم محترمين ولا بقول عكس هيك بس ياخي كمية الانتقادات الي بتيجيهم فقط لانه ابوه وزير طيب هو كشخص ابوه بكون علمه وتعلم باحسن المدارس وعمل احسن العلاقات من عمر صغير والى اخره

طبعا ما بحكي في منهم واسطات اكيد فيه بس ياخي مش كل مين ابوه وزير وصار خلص واسطه واكل ونهب الدولة

وانا مش مطبلاتي ولا ابن عشاير حتى بس هاي وجهة نظري الشخصية