العنصرية ضد اللاجئين في مصر. سؤال

ليه في مصر أحيانًا بيبقى فيه رفض و العنصرية تجاه اللاجئين؟

إحنا بنتكلم عن ناس جاية من بلاد فيها حروب وبيحاولوا يلاقوا أمان. طبيعي يحصل ضغط على الاقتصاد وفرص العمل، وممكن يكون في تصرفات فردية سلبية، لكن ده مش مبرر للتعميم أو الدعوة لطردهم و رميهم في الحرب

كلنا بشر، والاختلاف الوحيد هو مكان الولادة مش أكتر

كمان لو هنكون واقعيين، إحنا بنسمع عن مشاكل وسلوكيات فردية من مصريين أكتر بكتير من اللي بنسمعه عن اللاجئين، وده بيوضح إن التعميم مش بيكون عادل

الأفضل إن التعامل يبقى بسياسات وتنظيم من الدولة بدل الإقصاء أو الدفع لعودة ناس ممكن ترجع لمناطق فيها خطر

محدش بيختار يولد في بلد فيها حرب، ولو أي حد مكانهم كان هيبحث عن نفس الأمان