اخوي الوسطاني، ابغا راي الرجال بس

السلام عليكم

انا بنت اصغر من اخوي الوسطاني بس كلنا بالغين بالعمر

امس انا صارت لي سالفه مع اهلي ورحت انفجرت وجلست اصرخ على اهلي و هاذي تصير يمكن ٥ الى ٨ مرات بالسنه

هاذا مو موضوعنا

اخوي الوسطاني مابيني وبينه اي كلام مع اننا نعيش بالبيت نفسه و بعدين هو كان انسان عصبي همجي يسوي مشاكل يدخن من ورا اهلي ماتدري اليوم طيب معك بكره كاسر له رقبه واحد، بعدين من فتره اشهر الرجال صاير طيب بزززيييااااااده بزياده

يعني حتى صوته صار هادي، المهم بعد ماتهاوشت جا هو كلمني ويقول ايش ومدري ايش وهاذي اول مره يسويها قلت له والله امي كذا كذا كذا

بعدين هو جا يحل الموضوع ودخل بموضوع ثاني يقول انا ليش ما اتكلم معاهم ويحس اني ما احبهم قلت اي والله انا ما احب اي واحد فيكم قام يقول جرحتيني، ترا هو اكثر واحد كان كاره اهلي

بعدين جا يقول انه صح اهلي شديدين بس هاذا اسلوبهم و انه هو تصالح مع حركاتهم وانهم اهله بالنهايه وهاذا الواقع ولازم "يتصالح معه"

انا هنا ما مشيت معه وقلت له ان اهلي فيهم واحد و اثنين وثلاثه وعندهم سلوك سلبي عالي يستنزف طاقتنا كلنا، انت ليش تكذب على نفسك وتعيش في هاذا الوهم ( انهم ناس طيبين و انه داخلهم شي صالح ) انت ليش تنكر الاشياء الي سووها لك ليش ماتواجه الواقع الي قدامك

بعدين هو جلس يرفض هاذي الفكره وجلس يحاول يعالجني انا عشاني قلت اني فعلا اكرههم وترك كلامي الي انا قلته له ( انه يعيش في وهم ويجمل واقعه) غالبا عشان ما ينهار نفسيا وهاذا اعتقادي الشخصي لاغير

قلت له شوف تبغا تتقبل كلامي وتاخذه حياك الله، ماتبغا تاخذ كلامي براحتك انا بالنهايه ما ابغا اكمل هاذا الموضوع وخصوصياتي وقراراتي الشخصيه انا راجعه لي وما اسمح لاي احد ولا لك انك تتدخل مع مين احب او مع مين اتكلم او اذا عزلت نفسي وما تكلمت هاذي قراراتي الشخصيه انا
و انا الي اتحمل مسؤوليتها و لو تبغاها على بلاطه انت مالك دخل

بعدين جلس ساكت يمكن مدري عشره دقايق وارسل لي ١٩ رساله طويله انا حذفتهم ومارديت عليهم وماشفت وجهه من ذاك الوقت

الحين هل هو بيكمل يهرب من واقعه او هل حتى بيتقبل كلامي؟ ما ادري انا اشوف الفروقات بيننا كثيره وما اتكلم معه ابدا مافي بيننا حتى سلام فما ادري هل كرجل عنده مشاكل نفسيه بيسمع لي ولا هو بيكمل يعيش على السحابه و الوهم الي هو عايشه

يعني يجيني الضمير لما اشوف كيف اهلي يعاملونه بطريقه والله تشبه تعامل الجرذان، امي و ابوي و الاقارب محد يحترمه على اقل سبب ويصرخون عليه وهو يسكت وينسى ويسكت وبنسى زمان كان يصرخ ويبكي الحين صار يسكت