ماما توفت من خمس شهور وبابا فتح معي موضوع الزواج

من لما توفت ماما ووضع البيت سيء مش بس انه نفسيتنا سيئة لا، ما في حدا ينظف ما في حدا يطبخ ما في حدا بقعد مع الثاني بيتنا فعلا بحاجة لحدا بس انا مش قادرة اتقبل
مش قادرة اتقبل وحدة تكون عنا بالبيت وتمشي وتقعد بنفس الاماكن يلي كانت تقعد فيها ماما
او تحكي مع بابا او تحب بابا او تحل محل ماما
انا لهسا مش مستوعبة انها راحت وبصراحة مش طايقة البيت كله ف كيف وحدة جديدة تدخل علينا كمان؟
انا مشغولة طول الوقت بداوم كل يوم ف ما بقدر اطبخ او انظف او اعمل اي اشي
بحب بابا وهو اكثر اب حنون بالحياة ومزعلني انه حاسيته وحداني بس ما رح اقدر اتقبلها وحاسه خمس شهور وقت قليل
ما بعرف افكاري مخربطة والبوست عشوائي ما بعرف ليش منزليته حتى
لو في حدا مر بهالاشي من قبل كيف قدرتو تتقبلو؟ وكيف اتعامل مع كلشي انا جد مش عارفه