اكتشفت اني متفائلة.. بالغلط

الثيرابيست سألتني ليه وازاي رغم كل ال suicidal thoughts دي أنا لسه عايشة؟

قولتلها أنا شايفة إن الوقت بيشفي وبيعدي، دوام الحال من المحال والدنيا بتمشي والأمور بتحدث حتى لو مش دلوقتي بعدين هتحدث.

فأدركت اني متفائلة غصب عني حتى لو مكنتش قاصدة وواعية لده

أدركت اني طول الوقت شايفة إن الصعب والتقيل عدى في طفولتي

وكل ما بكبر كل ما الدنيا بتتحسن حتى لو بكره الوجود والدنيا فمهما حصل ده مش معناه ان مفيش فرصة ان الدنيا تتحسن ولو شوية.

نفسي كلنا منتعبش ومنعانيش ونعيش كويسين ونغمض نصحى في جنة.