اخوياي قطعوني

أخوياي هذولي من أول ابتدائي وانا اعرفهم بالحلوة والصعبة والفرحة والحزن حرفيا كنا نقعد بالساعات مع بعض تضاربنا سوا وتسامحنا وكبرنا سوا , قبل ٧ شهور حسيت انهم بدو يكرهوني ( هلا فلان فاضي نطلع ) الرد يكون ( والله نومي متقلب , والله مب فاضي , مرتبط مع الأهل ) وانا إنسان اعرف لو قاعد يصير شي فحسيت لاكن قلت جوا اعماق قلبي مستحيل , وانا مب ملاك لاكن اقل واحد تضارب بينهم وكان كل ما تضاربوا مع بعض يجون عندي وأصلح بينهم نوعا ما , عموما امس قلت لهم مشتاق لكم وودي نطلع سوا ونستانس وكان الرد المعتاد انهم مشغولين صار لنا ٧ شهور ما طلعنا , قبل شوي قاعد على التيك ومريت على بث وكلهم طالعين فيه ومجتمعين وضحك وسواليف مع انهم قالو انهم ما يمديهم يطلعون , ما اقدر اخفي عليك اني زعلان لاكن خلاص وش اسوي , مبدئيا كذا قطعت الستريك عنهم لاكن يعلم الله انه في غصة في قلبي , الله يستر عليهم وعلي لاكن ما اذكر اني سويت شي غلط او غلطت على احد منهم ولا شي الله المستعان 😓