زميل لي بالدوام بس يفضفض

أنا سعودية وهو مصري وهذي سنة اول مرة يجي يعيش بالسعودية مع انه قبل كان يشتغل اونلاين مع شركات سعودية كثيرة. انا توني بديت اشتغل معاه وهو له فترة بالشركة ف بدأ ياخذ ويعطي معي انه فين افضل مكان اروح له بالسعودية تمشية او مقاهي حلوة او مطاعم، و فين اشتري قهوة سعودية ويقول بجد انا احب قهوتكم السعودية
يعني اسئلة طبيعية لشخص صدق اول مرة يعيش ب السعودية.
بعدين صار يسأل عن العادات وانه ليش بالسعودية مثلًا ما تذبحون الاضاحي ببيوتكم انه في مصر الشوارع تصير كلها دم من الاضحية، ليش عندكم منقبات قليل عكس مصر وكذا. بعدين بدا يدخل بالسعودة 🤣ليش أنتم المدراء عندكم خبرتهم اقل يعني لازم يجيب امثلة يقول احنا عندنا مدير المشروع خبرته اقل شي ٤٠ سنة!! انتم لا توظفون فريش ف اقوله طيب كيف صارت خبرته ٤٠ سنة اكيد تعلم في مكان ما.
ومرة قلت له انه سينما amc عندهم عرض الاربعاء والاثنين انه سعر التذاكر قليل. قام يقول ليش يهمكم الفلوس انتو مرة تركزون عالفلوس وانه تاخذون شي رخيص.

المهم انا كنت ارد واتفاعل معاه بكل واقعية وشفافية، بعدين حسيته خلاص هو ماخذ عننا فكرة سيئة وبس كلامه احسه مزحة برزحة عرفتوا، وافكاره ما راح تتغير لدرجة مرة قال انه كيف انتو تاكلون وتشربون معنا (قصده الاجانب يعني بالشركة) ويقولها وهو يضحك، وانا مدري هو صادق او لا.

المهم انا خلاص يأست منه وما عاد لي خلق اخذ واعطي معاه. مو عارفة كيف احط حدود خصوصًا للاسئلة او النقاشات اللي فيها اهانة واضحة. هل عندكم اي نصايح؟