ثباحو بارت ثري لعيونكم

شبعت نوم وكعدت

امس ع اساس اكملها وانام بس نعست للأسف

المهمم وين وصلنا اتوقع لمن دخلت حسابها تلي اي ف دخلت الحساب بنفس الطريقه اللي دخلت بيها للتيك جان انصدم هايشنو الحساب بيه نفر واحد وصديقاتي الباقي باوعت منا مناك جان طحت بيها هذا الحساب بيه بس شخص واحد هذا الاساسي مالتها وعدها حساب ثاني هذا مخليته للحبايب

ردت دورت نبشت ماطحت برقم الحساب الثاني ادري بيه مربوط بالايميل اللي عندي بس الايميل ميوصل وياه الرقم ف شسويت خليت صديقتي تسوي حساب ولد وتحاجيها عود حجايه منا حجايه مناك ردناها تطلع الرقم الرثاني تالي تبلكت واكلنا خرا ف شسويت المفروض اكول هاهيه كافي فضول لهنا احذف كلشي من جهازي واطلع بس نوو فضول 4 اشخاص مينحمل

ضليت افتش افتش كلشي ما لكيت جان فجأة بالليل وانا اتعشى وصلت رساله لجهازي كلاب عيب ومينلبس عليه هدوم هايشنو هايمنو هاي ليش تذكرت بعدني بحسابها وجان تطلعلي المحادثات بث مباشر ف بنص المحادثه كلتله هذا الحساب يعلك هواي راسلني ع حسابي الثاني ودزتله اليوزر كلت هاي هيه طحت بيج

ف جان بحثت عاليوزر من حسابها طلعت ناشره صورها بوضعيات جداً نو نو وجانت ضايفه حسابها الاول ف يطلعلي الرقم انتضرتها تنام ودخلت الرقم دخلت للحساب ومثل كل مره مسحت الاشعارات انو شخص جديد سجل دخول ولكيت مالا يسر العين

طن ومن اكول طن ف انا فعلا اقصد طن محادثات ويه جميع الفئات كبار صغار لطيف قبيح عراقي مو عراقي جميع الانواع موجوده والالطم من هذا جان عبالنا انو بس محادثات عاديه ويه الجماعه وشخص واحد هو اللي جابته لبيتها طلعت محاوله تجيب غيره بس ميردوها وهي تلح عليهم والالطم بعد انو لمن ما يقبلون ما تبطل لا (يكرزون حب) رسائل وصور وهي حتى فيديوهات دائميه تدز ف اي من اللي شفته وقتها والى الان انا عندي قرف تجاه انواع معينه من الملابس اللي شفتها لابستهم بالفيديوهات

المهم بعد هذا كله كعدت ويه صديقاتي شنسوي شنسوي بالمدرسه نعرف مشرف يعرف انو هيه مو خوش بنيه جنه منحبه لان منعرف شبي وياها ودوم عنده مشاكل وياها وعنده تواصل ويه اهلها كلنه نكله وننطيه كلشي ونطلع من السالفه بس فكرنا بيها لا موخوش فكره هاي تروح تنكتل وتصير ذمه بركبتنا شلنه بالسالفه

كلنه نهددها انو تعوف هاي السوالف فكرنا منا مناك لا هم ما تنفع شعلينه بيها اصلا تروح تسويلا مشكله طبعا كل هذا التفكير على مدار كذا يوم والمحادثات جانت مستمره ف بالنهايه وصلنه لحل اخير انو العلويه تكتب رساله تنصحها وتخوفها بنفس الوقت ونرسلها الها من حسابها انو ننبهها انو انا بالحساب ف منها بلكت تخاف وتبطل اللي تسويه ومنها احنا ناصحيها وورا متشوف الرساله انا ابدي احذف كل حساباتها حذف نهائي واغير رمزهم حتى متكدر تدخل عليهم ويرجعن يتفعلن

وفعلا العلويه كتبت الرساله انا انتضرتها شوكت تفتح التلي ودزيت الرساله شفتها بدت تكتب ردت عالرساله منو انت وشعندك بحسابي وشعليك بيه وغلطت غلط الله ليشوفكم انا شفت الوضعيه خريط وما منها فايده البنيه رحت بوجهي طردتها من الحسابات كلهن انستا تيك وتلي وايميل وغيرت رموزهن وحذفتهن وبس هي هاي

طبعا هي بعدها عبالها احنه صديقاتها وتراسل البعض من عدنه بالختلات لان هاي سوالفها كلها من جهاز واحد من الحبايب جايبه الها لأن لو تتذكرون كلت بالبدايه اهلها ساحبين جهازها علمود الدراسه طلع جذب لازمتها امها بمحادثه ومفلشه جهازها

اذا تردون اسولفلكم شنو صار سنه اللي وراها وشلون تلكتنه بالمدرسه ابفوتاتكم وسبسكرايباتكم