لي الراجل العجوز بقي قذر كدا

كنت راكبه مكروباص لقيت راكل كبير ف السن ورايه انا كنت بحاول اقفل الشباك عشان السواق مشغل المكيف وهو يعني قفلو قلتلو شكرا وخلاص المهم انا نمت من كتر التعب كان يوم مرهق ومتعب ومصدقت حطيت راسي اغفل شويه لقيت حاجه علي بطني انا قلت دي اكيد الستاره عشان السواق حاطط ستاير علي شباك العربيه وفعلا بعدت الستاره شويه قلت ربماا كل ده انا مظنتش وحش خالص لمجرد لحظه ورجعت كملت نوم تاني عشان مبصدق اغفل اساسا لقيت بردو ف حاجه علي بطني انا وقتها جسمي كلو قشعر وبقيت خايفه وبعدين مسكت ايدو لقيتو سحبها بسرعه من كتر الخوف والتوتر كنت برر لنفسي قلت ده راجل عجوز ومتخليش الافكار الوحشه دي تسيطر وتعملي حاجه تأنب ضميرك بعدين المره دي بقي عملت نفسي نايمه لقيت بقي الراجل الشايب ده حاطط ايدو وكمان بيحاول ينزلها تحت اكتر ويجماعه انا بطني رفيعه وكنت لابسه دريس واسع ده عشان يحط يلمس بطني لا تبقي ايدو كلهاا المهم بقي انا كنت لابسه كعب قلعتو وضربتو بيه علي دماغو وفرجت العربيه كلها عليه والراجل العجوز يقول انا كنت بعمل الستاره والي جنبو قال هي مقفوله بتعمل فيها اي مش منطقي وحرفيا قعدت اعيط جامد من كتر الخوف الي كنت فيه وهو لا هنا بارد اووي