المرأة والرجل في المجتمع

سؤالي للناس اللي هنا علاش فاش كايطرا للواحد موقف هايبر مع شي حد مثلا من الجنس الآخر كايحقد على كولشي علاش التعميم علاش ماكايديروش حدود للمشكل سواء من الرجال أو النساء وبزافةدالناس ولات كاتولد عندهم فكرة كراهية الجنس الآخر فقط بسبب الترندات والبروباكاندا اللي كاتبارطاجا فالسوشل ميديا واخا يكون الشخص في الحياة الواقعية دايرين بيه ناس ميزانين من الجنس الآخر سواء من والديه لخوتو

كانظن انه مجرد ان الشخص دوز واحد التراما فصغرو ولا عانا من مجموعة مشاكل مع شي شخص ماشي من حقو يبدأ يهاجم فكولشي ويخلط المشكلة خاصها تبقا في حدود مع ذلك الشخص

عيينا من خطابات الكراهية بين المرأة والرجل مع العلم ان بجوجهم انسان بمشاعر واحاسيس وافكار يعني كل شخص خاصو يمثل راسو ماشي الجنس اللي كاينتامي ليه كانكره فكرة التعميم وفكرة فصل المرأة عن الرجل في التصرفات والتعامل بحال الا كل واحد كايتعتابر كائن بوحدو منفصل فيزيولوجيا ومرفولوجيا

كاينين رجال خايبين ومزيانين وكاينين نساء خايبين ومزيانين

اذن التعامل خاصو يمثل الشخص الكيان الروح ماشي الجنس