صيام الكلام

كنت أسمع عن صيام الكلام، و انه فرصة الواحد يقلل من حديثه او يمنعه بالمره لفتره محدوده.

هذه الفترة حلقي شوي ملتهب، و امس لعلي شديت شوي عليه، اليوم صحيت مافي صوت.

قلت لأهلي اليوم ما راح أتكلم عشان أعطي فرصة لصوتي يرتاح، الصدق التجربة جازت لي مره!

كان المود أصلا مو مره، فصرت أغلب وقتي في غرفتي من غير كلام، و اذا احد كلمني ابتسم و امشي، معذوره ما أقدر اتكلم 🤭

من خلال صمتي، أكتشفت اغلب حديثي يكون ردات فعل لحديثهم، امم، اووه! كيف؟ ليش وين؟؟ يعني انا اصلا مو كثيرة الحديث.

بس مع هذه التجربة، صرت ما اشيل هم أعطي ردة فعل 😅

قد جربتوا صيام الكلام او سمعتوا عنه؟