تجربة شخصية عيشتها و انا عيل عندي 17 سنة في ثانوية عامة الي حصل اني صحيت من النوم علي بوستات مغرقة الدنيا و أسم ( سارة حجازي) في كل مكان و كانت مفاجأة بالنسبة ليا ان شابة مكملتش 30 سنة مهندسة تنتحر في كندا لوحدها تماما بعيد عن اخواتها زائد ان والدتها توفت و هي في المنفي هنا انا شخص مغاير و مليش اي دعوة بقضية المثلية الجنسية لا بنتقدها ولا بأيدها طب ايه الي تعبني و جابلي صدمة كانت من احد الصدمات الي انا عايش بتعالج بسببها لغاية دلوقتي بعد 6 سنين ان في ناس بقعد معاهم يوميا عايشين حياة البهايم ممكن يتعدي و يمارس كل اشكال الحرام بدون ندم و الأستعانة بالدين و المبادئ وقت الزنقة ( truth is what gonna save me at the moment) 

الناس دي بقا نشرت كمية بوستات من قبيل يلا في داهية في نار جهنم و التعاطف معاها غلط يا مسلمين يا كيوت و الحاجات دي ساعتها اتصدمت من البجاحة شخص مذنب بشكل دوري فجأة يتحول لقاضي و جلاد و رجل دين و جاتلي هنا الفكرة الصادمة للأسف مفيش حد فينا في أمان قلت لنفسي ماذا اذا ركبت مسرح مكانها يا هتعيش متعذب و موصوم يا سيناريو اوحش خلي بالك في حالة سارة حجازي هي خلاص قدمت علي لجوء و في كندا حالتها بيشتغل عليها مليون واحد طب ما خلاص بلد جديدة و ناس متعرفكش بل انهم هيسقفولك علي افكارك و الي مش هيسقف مش هيقول حاجه و هنا المصيبة الكبري 

لحظة انهاء الحياة في الحياة بتضلم انت وحيد جدا علي حافة العالم محدش سامعك ولا شايفك الموت جديد عليك ما انت مجربتوش قبل كدا متعرفش اللحظة الي هتغمض عينك فيها امتي و هتشوف ايه بعدها زائد انه ألم شديد ما هو انا بعمل حاجه تجبر اجهزة جسمي كلها انها تتوقف 

تخيل عشان مجرد نبين نفسنا اتقياء و مثاليين و محافظين نكتب بوست مليان كلام او نكات مهينة علي موقف انساني معين 

الدين الأسلامي فقهيا تكلم عن حدود الزنا بشروط دقيقة جدا لصلاحية التنفيذ شروط صارمة و ان اتهم احد بها احد بدون وفاء الشروط يطبق الحد علي من ادعي 

و لا رأي ثابت و مؤكد عن تطبيق حد معين في حالة المجاهرة بالذنب او الحث عليه يوجد حد و لكن العقوبة تختلف حسب حيثيات الموقف 

في الدين الأسلامي هناك قوانين صارمة جدا متعلقة بالحدود بشكل عام اولهم قاعدة تقول ( الحقوق  كفارات ) بمعني ان تعود كل الحقوق المدنية و الأنسانية للشخص 

من حق المتهم اثناء تطبيق الحد عدم اظهار ضغينة شخصية اثناء تطبيق الحد و بذلك تمنع الأهانة و الشتم و من اهم القواعد هي عدم التشهير اثناء الحكم او التنفيذ 

لما قولتلك في الأول خفت لو ركبت مسرح مكانها و هنا انا مش بتكلم عن ميول مثلية او فضائح جنسية انا بتكلم علي حاجه اهم و هي ان كل شخص فينا له اخطائه و ذنوبه ربنا سمحلك ان الذنوب دي محدش يعرفها ان لم تتعلق بحقوق العباد 

أمر المجتمع كله بغض الطرف أي انك لا تتبع ذنوب الناس و سمح لك بشكل مباشر اخفاء بعض الذنوب فقال علي لسان النبي.ص ( اذا بليتم فأستتروا ) و في جزء من حديث اخر يقول ( و الأثم ما حاك في صدرك و كرهت ان يطلع عليه الناس ) 

ربنا نفسه يا مؤمنين مش عايزنا اصلا نعرف ذنوب بعض بل و بيسمحلنا نداريها عادي خالص 

طب يا عم ما هي جاهرت بالمعصية اقولك تمام جدا هي اتحبست و عاشت في رعب و خرجت بكفالة 

و عملا بمبدأ الحدود كفارات هي كدا خدت جزائها نسكت احنا بقا ؟ لا لازم ندور وراها و نعمل ميمز و ننتقد و الشيخ الفولاني يطلع يناظر و الشيخ العلاني يطلع يناظر و البلوجر الفولاني يقول رأيه و ناسس تتشهر علي قفي موضوع و ناس تسب لبعض علي السوشيال ميديا و نسينا اننا في يوم 14 يونيو 2020 قفلنا تليفوناتنا و دخلنا ننام و في شابة انتحرت في حته محدش يعرفها فيها 

من ساعتها خقت جدا لأن اكتشفت ان ضهري مكشوف مفيش حقوق ليا اني لو غلطت بأي شكل يؤدي هذا الي اني ( اركب المسرح ) الي هيتريق شوية و الي هينظر و الي هيحتقر و هنا مش بتكلم علي مستوي اجتماعي عام بل اني حتي بتكلم علي مستوي دواير صداقة او معرفة صغيرة و مش شرط خالص انها تبقا كبيرة او ذنب او حتي نشوذ ممكن تكون حاجه غير مقبولة اجتماعيا الصراحة انا مكانش في سيناريو في دماغي للفعل الي ممكن اقع فيه و يؤدي الي هذا انا خفت لأن المبدأ موجود بس صدقني يا الي عمال تضرب الناس في جنابها كل شوية لو ركبت انت المسرح الي ضحك معاك علي الناس هيضحك من الناس عليك ربنا قال في كتابه العزيز ( و لنبلونكم بالخير و الشر ) و قال ايضا ( احسب الناس ان يقولوا امننا و هم لا يفتنون ) انت كأنسان اكثر كائن معرض للغلط 

انت مش راجل عارف ربنا و ماشي بنور الله و محترم انت ظروفك احسن من غيرك و ربنا تامم ستره عليك ان كان هذا سبب كبرك ان لم ينقشع الستر فتكون نعم الله عز و جل حجة عليك يوم القيامة 

desmond chandelr 





تجربة قاسية ( سارة حجازي ملاك ام شيطان )