هل كراهية المشاريع المبنية بالـ AI مبررة ولا مجرد تحيز؟

هو بجد الـ Developers بيتضايقوا من الشغل على مشاريع اتبنت في الأساس باستخدام الـ AI، حتى لو صاحب المشروع بذل مجهود كبير جدًا علشان الكود يطلع نظيف ومنظم ويتبع أفضل الممارسات قدر الإمكان؟

أنا شفت بوستات كتير على Facebook فيها نوع من التقليل أو السخرية من شخص مش فاهم الـ Development بنسبة 100%، لكنه قدر يبني Application أو Platform أو أي منتج ووصل بيه لمرحلة متقدمة، وبعد كده احتاج Developer محترف يكمل عليه أو يطوره.

السؤال هنا: هل فعلًا المشاريع دي بتكون غير قابلة للإصلاح لدرجة إن الحل الوحيد هو إعادة بنائها من الصفر؟ ولا المنطقي إن Developer محترف يعمل Audit منظم، يحدد المشاكل الموجودة، ويعالجها تدريجيًا حتى لو جزء من الكود اتكتب بمساعدة الـ AI؟

وهل فكرة إن المشروع معمول بالـ AI معناها تلقائيًا إن جودته سيئة؟ ولا التقييم المفروض يكون بناءً على جودة الكود، والـ Architecture، وقابلية التوسع والصيانة، بغض النظر عن الطريقة اللي اتكتب بيها؟

أنا متفهم تمامًا أهمية التخصص والخبرة. لكن لو افترضنا إن شخص عنده خلفية تقنية معقولة، ممكن نعتبره Junior Developer مثلًا، واجتهد بشكل كبير في بناء منصة أو تطبيق، وحاول قدر الإمكان يكتب Clean Code ويلتزم بالـ Best Practices. طبيعي جدًا إن المشروع يفضل فيه مشاكل أو قرارات محتاجة تحسين، لكن هل ده معناه إن المطورين المحترفين مش هيحبوا يشتغلوا عليه أو يطوروه؟

ولا بالعكس، المفروض إن أي مشروع قابل للمراجعة والتحسين طالما فيه أساس جيد يمكن البناء عليه؟

حابب أعرف آراء الناس اللي اشتغلت فعلًا على مشاريع اتبنت بالكامل أو جزئيًا باستخدام الـ AI. هل كانت التجربة سيئة فعلًا؟ ولا فيه مبالغة أحيانًا في الحكم على النوع ده من المشاريع؟