النسويه ظهرت عشان الرأسماليين و اصحاب رؤوس الاموال كانوا عايزين يوظفوا عمال اكتر

دايما بشوف علي النت ان النسويات فرحانه اوي ب اي انجاز علمي ست تعمله يعني لو الراجل بيعمل ١٠٠ انجاز علمي فهتلاقي قصاده انجاز واحد فقط من النساء و رغم كدا البنات بتطير ب الانجاز ده و تقولك انجازات النسويه

و تلاقيهم مفكرين ان النسويه ظهرت بسبب قوه الستات وكدا ولكن في الحقيقه النسويه ظهرت لان الرأسماليين (اللي اغلبهم رجاله زمان ) كانوا عايزين عمال اكتر عشان يعملوا مصانع اكتر و يكسبوا اكتر

انتي عايزه تعرفيني ان الراجل اللي كان مسيطر في كل المجتمعات منذ بدأ الكتابه هتعرفي تعملي ثوره عليه ؟ مش البنات اللي عملت الثوره و كسبت بل الرجاله الرأس ماليين

واحده زي نوال السعداوي بتقول ان المرأه هي اللي كانت مسيطره و كدا قبل الكتابه ... عارف ليه هي اختارت عصر ما قبل الكتابه عشان تقول الجمله دي ؟ بكل بساطه عشان مفيش حد هيعرف يدور وراها كلها تكهنات تحمل مئات التأويلات المفروض لما نحكم الراجل ولا الست اللي مسيطر نشوف الحاجه المتوثقه بالكتابه مش قبل الكتابه

اللي زي نوال السعداوي عندها عقده من الرجاله بسبب فرق الانجازات بين الراجل و الست و عشان يلغوا فارق الانجازات دي يقولوا ليك اصل والله في انجازات كتير اتسرقت من الستات