شغالتنا راحت وانا ابكي عليها، راعوني تكفون

معرف اذا الموضوع سخيف او لا، بس شغالتنا الي لها سنين معنا راحت، بس المشكله مو ان كانت معنا منزمان وبشتاق لها وخلاص، اكثر من كذا، خدامتنا انظلمت كثير، اهلي دايم ينقصون منها ويعاملونها ك انها غرض فعلا، وياليت راتبها يسوى، وبيتنا كبير، ويهاوشونها على الصغيره والكبيره، حتى انا للاسف مرت علي فترات كنت اعاملها بشكل سيء،

البنت كان يمر عليها فترات بدون نت، وماتاكل الا من عشانا وغدانها، ماعندها تنويع ابدا، ومرات تطلب مني اكل ، شي نادر تلقاه، مثل اندومي، توست و نوتلا، ولو تشوفون الفرحه بوجها لما اوافق وعطيها 💔**،**

اليوم راحت، وحتى ب رحيلها محد ودعها الا امي وعل سريع وهي تفتش شنطتها وكلشي ، انا كنت ابي اودعها، بس اسحيت، لاني ادري ان اهلي بينقدون علي اني زعلان انها بتروح ، لان الشغاله ذي بدون قيمه، حرفيا عبده، ب الكفاله

ماكسر خاطري وخلاني ابكي الا لما سمعتها تقول "شكرا" وهي تلتفت ل امي قبل ماتطلع من الباب 💔

والي اسوء من كذا، اني اعرف انها بتروح ل اهلها، لدولتها، ووضعها بيكون افقر واسوء، وماندري اذا اهلها حتى يعاملونها زين،

المشكله مقدر ادعي لها، مقدر اساعدها ب اي شي ابدا، اكره اني ملحد، ياليت الله موجود عشان على الاقل ادعي لها وتستجاب ويكون سويت شي يساعدها

مايهم اذا الموضوع سخيف لكم او لا، انا ابغى اطلع الي ب قلبي، بس ابي ناس حقيقيه تتفاعل معي مو chat gbt لاني طبعا مقدر اروح ل اهلي او اخوياي واقولهم هل سالفه