كيف نرد على المتنمرين؟

قصدي الي اكثر من مرة يسحبون كريسك او يركلون شنطتك و يعني يزعجونك بدون ما يلمسون جسدك. المعروف ان المدرسة ما تتدخل في هذي المواضيع لأنها تافهة و ما عندهم وقت لها. ما يتدخلون الا اذا انت ضربتهم و تسببت بهوشة كبيرة. و بتكون انت الغلطان.

اغلبنا يفكر ان الضرب هو الحل لأن كذا المتنمر راح يخاف منك. بس غالبا هم عندهم مجموعة بيدافعون عنهم. ف انت الي راح تتضرر جسديا بالأخير.

هل المفروض ترد عليهم لفظيا "اترك اغراضي"؟ او تسبهم؟ لأن المعلوم انهم بيضحكون و يرجعون يسوون فيك نفس الشيء.

و التنمر موجود في اغلب المدارس فحتى لو انتقلت لمدرسة جديدة, تقدر تكون عرضة للتنمر خصوصا لأنك الطالب الجديد.

ولا هل المفروض انك تسكت و تتحمل؟ و احيانا هم ما يوقفون و يبدأون بلمسك و ضربك و ينتظرونك تنفجر.

ولا الأحسن تنتقم بالسر؟ يعني بالسر ترمي جوالاتهم بالموية أو تشق شنطتهم؟ ولا هذا راح يعلن الحرب؟