نهاية الخوف الزيادة على الأبناء

ولد خالتي على كلام امي من زمان انها تخاف عليه من الناس و مخالطتهم و ما كانت تخليه حتى يلعب معنا و تهاوشنا بنات و اولاد و تخليه يجلس جنبها و بس ولا يطلع مع ابوه الا للمسجد و إذا ابوه مو موجود ما يروح يوم كبر شوي صار مدرسه ممنوع يكلم احد غير معارفه ( اخواني كانو معه يقولون انه كان يجلس معهم واذا قالو لها شي يقول امي تقول لا تقول شي لأحد) و برضو المسجد إذا ابوه مو موجد كانت تقعد تراقبه عند الباب إذا راح و جاء في الوقت الحالي ….. الولد وضعه غريب يطالع في الأرض حتى عند الرجال و مايعرف يتكلم و إذا احد كلمه يسكت اخوي يقول كأن فيه قل صح و خالتي صارت تشتكي انه معاد يطلع يصلي و انه يقول لأبوه بجي بعدك ولا يطلع و طول الوقت على الجوال و حاولت تشوف الجوال بس عليه رمز فا وش سوت تخيلو انها سكرت الجوال نهائي من كثر ما حاولت تفتحه و يوم قام الولد انجن و قام يصارخ و كسر الجوال و جته زي نوبة غضب و بكاء حاده و صارت مشكله طويله عريضة مع خالتي و زوجها و الولد الحين يتعالج نفسيا و خالتي جالسه في بيت جدي مكتأبه الولد عمره (١٦)