انا مغناطيس للعلاقات الويرد

من يوم ما وعيت علي الدنيا و انا علاقاتي مع البشر كلها غريبة

كأني مغناطيس للعلاقات دي

انا عمري ما سعيت ليها ابدا و دايما بتمني اعرف حد معرفة طبيعية تماما

بس قصاد حلمي دا حصلي كل حاجة الا هو

من و انا 11 سنة

مش بصاحب حد من سني

معرفش ليه اتكونت عندي رغبة اني اصاحب حد اكبر مني من و انا صغير

و انا شخص انطوائي ف عمري ما ببادر اصلا

بدأ الموضوع ب اني عرفت واحد سوداني من لعبة ما و في الاخر طلع بيدوفيلي و انا وقتها مكنتش واعي ل دا اساسا

و انا 12 عرفت بنت سورية من علي الانستا كانت اكبر مني ب سنة

فضلنا كويسين جدا مع بعض لحد ما عملتلي بلوك لاني كنت بحذرها من شيء غلط

تعدي الايام و عرفت ناس من الالعاب

منهم بنت كانت اكبر مني ب 5 سنين و كنا صحاب جدا او اخوات تقريبا

بس هي بعدت و لقت بنت قدها و الحمدلله بقوا صحاب الروح بالروح

و مهندس كان بيكلمني لانه شايفني انطوائي ف اتعامل معاايا كأني حالة مريضة

و عرفت ناس كتير من اللعبة كلهم كانوا اغرب من بعض

تعدي الايام و امسح اللعبة

و في ثانوي بنت تبعت لي برضه من التيك توك

كانت اصغر مني ب تلت سنين

بس كان اهلها بيعذبوها حرفيا

و اختفت لانها كانت عايزة ارتباط و انا رافض المبدا دا و مكنتش عايز اصاحب بنات اساسا

و تعدي الايام و اتصاحب علي مُدرسة في مدرستي

رغم فرق السن الكبير اللي بينا إلا ان الموضوع جه من كلامنا عن المدرسة و اللي فيها

و مكانش حد عايز يصاحب التاني

دي لو كانت ولد كان زماني سعيد جدا دلوقتي

بطلنا نتكلم لان انا و هي عارفين ان دا حرام و مينفعش

و الخ الخ

من علاقات كتير اوي

انا و الله مختارتش حد منهم

و نفسي افهم ليه

ليه متصاحبتش علي حد من سني و كنا صحاب ل بعض طبيعين

او حتي حد اكبر من سني بس يكون بني ادم طبيعي

المشكلة فين يا جماعة انا معدتش فاهم و الله