معرفتش شمن عنوان نعطي هاد المرة
السلام عليكم. معرفتش واش حتى نتوما بحالي ولا غير انا.
ولكن جميع الذكريات ديالي لي عشت تمحاوا ليا من دماغي. مافقدتش الذاكرة ولكن الايام لي دوزت فالاعدادي بقاوا ليا شي لمحات منهم فعقلي. الايام لي دوزت فالثانوي والابتدائي تقريبا نسيتهم. ولكن شنو دوزت فالروض عاقلة عليه.
دخلت للافاك ف2023 وحاليا غنشد الاجازة إن شاء الله هاد العام ولكن اقسم بالله ماعاقلة على شنو دوزت فهاد الثلاث سنوات تاع الجامعة. حرفيا نسيت كلشي. معقلتش تاشنو كنت كنلبس ولا شنو قريت ولا عندمن قريت ولكن ايلا شفت الاساتذة فلافاك كنعرف انني قريت عندو شيحاجة.
عقلي كيخدعني وكيقوليا هاد المادة قريتيها عند هاد الاستاذ ولكن فاش كنسول شيوحدين قراوا معايا كيقولوا ليا لا. ماعاقلة تاشنو انواع الامتحانات لي دوزت. والو. كلشي تمسح. واش غير انا ولا كاين شيحد بحالي؟ عقلي ضرني لانه اي نهار دوزتو كنساه.
Posted Jun 3, 2026, 11:50 PM UTC