فى كلمة كتير  كنت سمعتها من  الواعظين  والابلوجيتكس   ان بدون الاله الحياه هتكون بمبدئ البقاء للاقوى  فقط وان ده ظلم للضعيف وفيه اقصاء ليه

فعايز بس اقول حضرتك انت متفق معايا  مش مختلف  اصلا  والحوار اللى هقوله ده مش رجل قش ده فاكت 

كلنا عارفين قصة قايين وهابيل. او فى السردية الاسلامية قابيل وهابيل

بنشوف هنا شاب الاله راضي عنه  

 وشاب تانى شرير 

 بس حسب السردية الاله لم يمنع قايين او قابيل من القضاء على اخيه 

وده اللى بنسميه معاضلة الشر  وهى فكرة هل الله قادر على منع الفعل الشرير ولا يفعل   والكلام ده ......

لكن انا مش جاى اخوض فى معاضلة الشر دلوقتي ولكن  فى اللى بعدها 

وهى 

👇👇

ان حسب برضو كلامكم الله   ترك  الجريمة والشر لانه يريد من الانسان الطاعة باختياره تمام ؟

 فاذا فعل الانسان الشر فهذا ايضا خيار الانسان لانه  مخير. وليس مجبر على فعل الخير من الاله تمام ؟👇👇

الحقيقية 

لأ مش تمام ليه بقي؟؟

 لان الفاعل للشر زى (قابيل  او قايين)

 هو الكائن الاقوى.  بينما المفعول به هو كائن اضعف   مش هقولك زي هبيل ولكن زى

 الطفل اللى بيتم القضاء عليه فى اى حرب ده  هل الطفل ده نقدر نقول انه خد نفس حرية الاردة زى  المجرم اللى بيقضي عليه ؟

 اكيد لأ....

 اذا حرية الاردة هنا ليست لكل البشر بل للاقوى وللذى يملك القدرة حتى وان كان شرير  

وده نفس اللى الحياه نفسها بتثبته لينا  بقوانينها ان البقاء للاقوى والاصلاح. والاكثر قدرة   

وعارف ان عندك طبعا رد  سمعته من اكتر من حد 

وهو ان الطفل  او الضعيف الذى لم ينل حرية الاردة هنا فى الدنيا سينالها فى الابدية مع السيد المسيح او فى الجنة ولكن دى سردية اخرى عن التعويض واحنا بنتكلم عن الارض المادية التى نحيا فيها    

ففكرة ان البقاء للاقوى دى الحقيقية  الثابتة  وانا وانت اصلا مش مختلفين عليها. زى ما انت فاكر  

ويمكن ده بيقودنا  لشئ تانى وهو غايب دور الاله فى العالم  الفعال  فى العالم المادى  دون الاضطرار لاستنتاج وجوده فلسفيا  عن طريق التأمل فى الطبيعة و فى  الابل وكيف خلقت  او السماء كيف رفعت  اوكما يقول  الملك داود فى مزمور 

139

عَجِيبَةٌ هِيَ أَعْمَالُكَ، وَنَفْسِي تَعْرِفُ ذلِكَ يَقِينًا. 

(المزامير ١٣٩: ١٤) 

اعتقد انى بالفعل اتكلمت  فى موضوع الموجود الغير موجود  فى بوست بعنوان الهاتف الذى طلبته غير متاح الان او فى اى زمان هنا يمكنك الرجوع له اذا اردت :

https://www.reddit.com/r/ExEgypt/s/0kSH8L0pzy

سكك متوازية🚆🚆