يمنية (أو يمني) حاولت تنصب علي بطريقة محزنة ومضحكة بنفس الوقت 🙂😭

كنت بيوم قاعد في أمان الله مستلقي ، وفجأة جوالي يدق واتس !! 🙂😡

ودخلت الواتس وناوي ارسل للرقم اللي دق ، الميم اللي يقول : حتى لو كنت مخطوف لا تدق واتس !! .. إلا رقم من اليمن يكلمني ، وادخل المحادثة إلا ملاحظة صوتية بصوت بنت تقول بلهجة يمنية : السلام عليكم كيف حالك اخوي فلان (اسمي الحقيقي) .. معاك فاطمة الفلاني (اسم قبيلة يمنية معروفة) << طبعاً راح ارجع لهذا الاسم بعدين ، أنا ابوي الله يرحمه كان يشتغل معك ولقيت رقمه بجوالك وحاطك في قائمة الناس اللي يعزون عليه ويثق فيهم .. فأنا داخلة على الله ثم عليك انك تساعدنا ..

أنا متعود تجيني اتصالات ورسايل من ارقام غريبة ، لأن مدري الظهار فيه واحد او وحدة مسجلني بجواله : فاعل خير .. او شي زي كذه .. فيطلع للناس بنمبر بوك هذا الاسم .. فيدقون علي بعض المحتاجين (والكثير من النصابين) ..

قلت : مممممم ، الله يرحمه ويغفر له .. ايش اسمه !؟ .. قالت لي : فلان الفلاني .. قلت ما اعرف احد بهذا الإسم ، اعتذر منك مع الف سلامة 🥹 .. إلا أرسلت لي مقطع فيديو وحدة لابسة نقاب وتقول : اقسم بالله يا استاذ (اسمي) اني منيب قاعدة اكذب عليك .. الموضوع ومافيه اني جتني مــنــحــة اني ادرس بجامعة الإمام على حساب الحكومة السعودية ، وباقي بس رسوم ادارية ٢٥٠٠ ريال واحتاجها منك ، الله يرحم والدينك ابغى أحقق حلمي وأدرس جامعة !!

قلت طيب ابشري عطيني رقم الحساب حق فاتورة التسجيل (بما انك تقولين انها رسوم ادارية) .. قالت ابشر .. وعطتني رقم واحد واضح من اسمه انه يمني عايش بالسعودية (اسم عايلته اسم 😅) زي علي عبد الله محمد صالح مثلاً .. قلت لها هذا مهوب رقم فاتورة جامعية ! قالت لي هذا هو المسؤول عن ملف قبولي وهو راح يحول المبلغ للجامعة !! قلت اجل عطيني رقم جواله ! والله وتعطيني .. ادق عليه جواله مقفل ، كلمته واتس وحسيته قاعد يصرفني (يبغاني احول المبلغ على حسابه بدون اي اسئلة ، وما يبغى يتكلم بالتلفون) .. المهم قلت له اذلف وبلكته ..

إلا رجعت لي البنت وارسلت صورة جواز سفرها .. وأفتح الصورة إلا اقسم بالله صورة ملكة جمال من نوعية (ما هذا بشراً) ، وقارنتها بالإسم المكتوب في قائمة المبتعثين في جامعة الإمام .. طبعاً بما ان قلبي الصغير لا يحتمل .. هنقت في الصورة ٢٠ ثانية ، وبعدين تعوذت من ابليس وقلت لها اعتذر منك وبلكتها !!

بعد سنتين دق علي رقم غريب من اليمن واتس ، إلا وحدة جاية بنفس السيناريو وتقول ان ابوها كان يعرفني .. وارسلت صورة جوازها : اسمها فاتن وحاطة نفس الصورة حقت ملكة الجمال اللي بالجواز 😂😅

فقلت لها : بالله عليك ما تخافين من يوم الحساب والفلوس الحرام اللي قاعدة/قاعد تاكلونها !؟ قالت : اقسم بالله اني صادقة 😭

قلت الله لا يوفقك لا دنيا ولا آخرة إذا كنتي نصابة .. قالت : آمين !! 🙂 ، سبحان الله جرأة على الباطل عيني عينك .. بس والله وبلكتها ورحت لعبت كورة لعلي انسى 😔

بغيت اقول : قهر كنت باخذها زوجة ثالثة بس راح ابلع داونفوت الين اعض الأرض 😅🙂