مرض نفسي اظن؟

السلام عليكم يا جماعة الخير فيني شك مو طبيعي ابدا كنت شخص طبيعي بس صار موقف عدم هالشي عندي الي صار اني شفت كنت ماسك جوال وحده من خالاتي و شفت رساله جت من شخص و كان فيها ابي اسمع صوتك و قلب احمر المهم خالتي ذي زوجها كان توه متوفي من كم شهر اظن المهم اكلني الفضول و خشيت المحادثه و ليتني ما خشيتها شفت كلام غزل و مدري وش و نفرت منها بشكل غريب و صارحتها حتى ليه معاد ادانيها المهم مو موضوعنا صار الحين الموضوع سيئ مره معي اشك ب اخواني و اخوياي و امي اي شخص ببالي اشك فيه و اشك بأشياء كثير حوله و افتش وراهم وانا مالي دخل و الحين حتى الموضوع ذا تحول على امي بشكل كامل لأن ابوي توفى الله يرحمه و صرت ادقق وراها و فعلا اكتشفت اشياء و صرت اشك فيها دايم و بعض الاحيان شكي يطلع ب محله لكن فعلا معاد قدرت اتحمل نفسي اقسم بالله افكر بالموت من كثر السوء الي اعيشه حاولت اكلم شخص عن موضوع استشاري نفسي و رده حطمني و كأنه يقول انت عايش وهم و مب عارف اتخذ خطوه صحيحه لقدام الحين شغال بمدينه ثانيه و حتى اهلي ما ارتاحو من شكي لأن اذا كتمت الشك الي فيني بنفسي اتعب اكثر و اشك اكثر فا اواجه الشخص زي امي كل شوي اواجهها بشك من شكوكي و اكشف انها تكذب علي و الصدق حاليا بأسوء مراحلي من يوم رحت مدينه ثانيه مدري هي وش تسوي او تكلم من او تتعامل مع من حرفيا عايش بكمية صمت و شك مستحوذين على فكري بالكامل