nakita ko lang sa keeps ko sa gmail, ni-edit ko lang konti.

MEMORYA - 042419

Umiyak man magdamag ang ulap,

At ihip ng hangin magtampo,

Bumaha man ng pakiusap,

At sa silong tumakbo,

Ang alaalang iniwan ko'y ingatan at itago,

Nakalulungkot man o nakawiwiling storya,

Kumupas man ang panahon at ako'y maglaho,

Ngunit mananatili ang memorya,

Maubos man ang tinta at wala ng papel na masulatan,

Tumigil man sa pag-agos at ang ilog ay tumahan,

Mahahagilap ang hinahanap, at malalaman ang nais malaman,

Mapuntahan ang tinuturing na tahanan, at madaraanan ang nais lakaran,

Ang alaalang iniwan ko'y ingatan at itago,

Nakakalungkot man o nakawiwiling storya,

Kumupas man ang panahon at ako'y maglaho,

Ngunit mananatili ang memorya.