ايه رايكم في الموضوع ده ؟؟؟

هو أنا لوحدي اللي حاسس إن مشكلة ناس كتير مش إنهم مش عايزين يبقوا أحسن أو يقربوا من ربنا أكتر المشكلة إنهم بيحاولوا يعملوا ده لوحدهم يعني ممكن الواحد يتحمس فترة ويبدأ يصلي بانتظام ويقرأ قرآن ويحاول يغير من نفسه فعلًا وبعدها بفترة يضعف أو يفتر أو يرجع شوية لورا وساعات بحس إن السبب مش ضعف إرادة قد ما هو إن مفيش حد حواليه يشجعه أو يفكره أو حتى يكون ماشي معاه في نفس الطريق أنا مؤخرًا بقيت مقتنع إن الصحبة الصالحة مش حاجة إضافية ولا رفاهية دي من أكتر الحاجات اللي ممكن تفرق فعلًا في حياة أي حد لأنك لما تبقى لوحدك بتحارب نفسك كل يوم الموضوع بيكون أصعب بكتير من إن يكون حواليك ناس عندها نفس الهدف ونفس الرغبة إنها تبقى أحسن يمكن عشان كده زمان كانوا بيقولوا إن المرء على دين خليله لأن البيئة اللي حواليك بتأثر فيك أكتر ما أنت متخيل فكنت حابب أعرف هل في حد هنا حاسس بنفس الفكرة وهل فعلًا وجود مجموعة صغيرة من الناس تشجع بعض وتفكر بعض بالله وتساعد بعض وقت الفتور ممكن يفرق لأني بصراحة بدأت أحس إننا أوقات كتير مش محتاجين نصايح أكتر قد ما محتاجين ناس تمشي معانا في نفس الطريق