ترند الزول الجاري ورا عربية الجولف

أكيد الناس هنا عدا عليها المقطع بتاع الزول الكان جاري و صورتوا مرة و بتقول ليهو هنزل المقطع يوتيوب و هو بيضحك. الليلة لقيت ليهو مقطع و هو بيوضح للناس انو ما كان واع لانو الموضوع استهزاء.

الموقف غلط و الزول دا عمل حاجة أثرت على سمعة بلد، لكن غلط زي دا ممكن اي انسان من اي جنسية يقع فيهو، في كل بلد بتلاقي الغشيم و العلى نياتو.

المهم، الفكرة انو التنمر الإلكتروني الحصل للزول دا صعب جدا، هل تتفقوا انو ردة الفعل من الشعب السوداني تحديدا كان مبالغ فيها؟ ساهل الواحد يضحك و يتنمر و يعلق لما الموضوع ما بكون موجه ليهو.