هبقي امين و دوغري معاك انا عن نفسي بستعمل لينكس علي لاب توب ثانوي و مثبت وندوز علي البي سي بتاعي بس ليا أسبابي زي الالعاب الاونلاين و برامج المونتاج و بعض الخدمات التانية 

لكن سؤالي للي مبيستخدمش ولا حاجة من دول حاشر نفسك مع نظام غير و متخلف و تقيل ليه؟ 

يعني هل فيه حد ملاحظش لسا مدي سوء النظام ده؟ من قله امان لعدم استقرار لكوارث تانية

والله العظيم و ده عن تجربة بلعب جزء من أجزاء كود عادي علي أحدث تحديث للوندوز فرمت و نزلت بالنسخة ل ٢٤h٢ لقيت الأداء احسن 

احا اي نظام كل ما تطلع في التحديثات الأداء بيقل؟؟

و طبعا مكلمكش في الأمان ممكن احلفلك ان مايكروسوفت عارفة مقاس بكاسرنا كلنا بوكسر بوكسر ده كفايا ميزة الريويند اللي بيخلي النظام ياخد اسكرين شوت كل شوية و يبعتها لسرفرات مايكرزفت و الدليل ان لو رحت لكوبايلت الذكاء الاصتناعي بتاعهم هتلاقيه عارف انت كنت بتعمل ايه لو انت مش فاكر فحرفيا كل الحجات دي هتنساها مع لينكس امان و استقرار و خصوصية و اداء و العاب (عدي العاب الاونلاين او كتير منها)

فوالله نصيحة ارحم نفسك و روح للينكس ولو خايف من الترمنال يعم والله فيه توزيعات شبه وندوز و يمكن احسن مبتخلكش تلمحه حتي

فكر في الموضوع و شوف كام شرح و انصحك بقناة يوتيوب اسمها الوقاد بيشرح الموضوع حلو اوي

ايه اللي منعك انك تستخدم لينكس؟