إللي علي الكرسي بتاعي مِحرم

الموضوع تافه لو عندك حاجه مهمه فكك

من ضمن مواقفي العبثيه لليوم ده راكب المواصلات النهارده و بنقول لسه يا فتاح يا عليم يا رزاق يا كريم الساعه ٦ الصبح

و اذ بـ آنسه جايه لابسه مضيفه طيران ولأجل الحظ مفيش مكان غير جنبي و قعدت و تمام عادي انا زي الصنم مكاني

و اذ الناس اللي في الكرسي اللي ورانا كل واحد هينزل لوحده في اماكن مختلفه اول واحد وهو نازل راحت مايله عليا عشان ميلمسهاش لزقت فيا و كتفها في كتفي قولت اتوترت عادي حصل خير تاني واحد نفس النظام يمكن لزقت اكتر اللي هو (يااا آنسه ياااا آنسه ايييه هم حرام يعني و انا مِحرم ولا إيه ؟) كل ده في سري

جه ٣ واحد نفس النظام بردو و كان ناقص تقعد علي حجري

بوجه لك السؤال ده لو شايفاني

ياااا آنسه ما دلوقت حاجه من اتنين يا اما انتي شايفاني خ*ل يا اما انتي تعبانه في دماغك ملهاش تالت

و بالمناسبه احب اشكر الشحات المحترم اللي طلب مني حاجه لله و مكانش معايا فكه ف اديته الفلوس وخلاص رجعلي فكه و لما جيت اصر عليه ياخدهم حلف بالطلاق ما هيحصل

لو كل الشحاتين كدا بلدنا هتتطور اكتر و تكون في ازدهار شكراً لكل شحات بيرجع باقي