السلام عليكم . بص هحكي حاجه كدا مبضون منها و عاوز اقولها من زمان ل اي حد و هتطول . هات كوبايه شاي

طالما محدش يعرفني هنا ف هحكي عادي . يعني دي حاجه تخليك تتبضن من الفلاحين اكتر ما انت مبضون منهم

صلي ع النبي . دلوقتي احنا بيت العيله ف قريه ( دا طبيعي يعني ) جدي لله يرحمه بني البيت دا سنه 73 . يعتبر احنا من اول الناس ال بنت بيوتها ف القريه دي ( و ال حوالين البيت كان بتاعنا بورق ف الدوله و زمان الأراضي دي كان ملهاش اسعار زي دلوقتي ) جدي لله يرحمه كان فاتح البيت من أوله ل آخره ل ال عاوز يجي يقعد . كنت ممكن تفتح الصبح تلاقي حد مستني جدي يصحا علشان يقعد معاه ( دا ع كلام والدي و كان جدي كبيره بلد و عيله ) و الناس كلها ملمومه حوليه و جه سنه ٩٠ ( ابن عم جدي ) بطلب من جدي يبني ل عياله جنب بيت العيله دا ( الأرض بتاعتنا ! ) و جدي وافق عموما ( و بني بيتين لعياله و نركز ف موضوع عياله دا ) احنا تقريبا لغايه فتره ال 2000 العيله كلها قاعده عندنا 24 ساعه ( عيله كا اسم مش أهل البيت ) و تقريبا واكلين شاربين من خير جدي يعتبر . جه بقا سنه ٢٠٠١ و واحد جه لجدي ( واحد من عيال ابن عمه ) عاوز يموته و يضربك ع دماغك و متفق مع عيله كذا يتخانقوا عندكم ف الشارع فمتتطلعش ( كبير العيله مفروض ال بيحل المشكله يعني ) المهم جدي مطلعش و معملهمش اي حاجه . المشكله بقا ف اي ؟ أن مرات الراجل دا كانت بتموت و هي بتخلف ابنها الكبير . يستنجد بمين ؟ ( بجدي ال كان هو عاوز يموته ) و طبعا جدي و ابويا لحقوها و ودوها مستشفي ( دور مراته هيجي بعدين ) و فضلت الأمور ماشيه مفيش بينهم و بين جدي كلام ( مع انهم بانيين ع أرضنا و بجحين يا اخي ) يجي ف سنه بقا ( ابوهم ال هو ابن عم جدي ) داخل بليل الفجر يسمم كلب بتاعنا ( دوبر مان ) يقوم الكلب يعمل اي ؟ ( اكيد انت عرفت نام عليه و وشه ف وش الراجل ) و هو ينادي ع جدي ينزل يحوشه لقي سم ف أيده . يدوم ال جدي عمله ؟ خرجه من البيت مش اكتر . و عدت سنين و جدي توفاه لله ( الله يرحمه ) و بقا كبير العيله عمي يقوموا عاوزين يعملوا نفس الخناقه علشان يضربوه ( نفس راجل ال قال لجدي قال لعمي ) و كان قاعد يتفرج ع خناقتهم ف البلكونه لدرجه ان ال بيتخانقوا واحد قاله ( مش ناوي تنزل يا محسن تفض الخناقه دي ) سبحان لله بجاحه . و قعدوا بقا سنين كل شويه خناقات و تهديدات من غير سبب و شكاوي ( تخيل يا اخي عاملين شكوي علشان عندنا جنينه 😂 ) المهم ف فتره كانوا بيهددوا ابويا و عماتي بتشويه سمعه ف البلد ( احنا مش قاعدين ف البلد اساسا ) ابويا لغايه ما زهق كلم عمه ( دلوقتي يعتبر تحت سيسي ع طول و لو قولت اسم العيله هتعرفوه ) و حبس جوزها ف ٣ قضايه ( ال اعرفه منهم تهديد بخطف حد من العيله ) يجي بعد ما يطلع يرفع دعوي أن احنا بانيين مخالف . ( صباح الفل يسطا البيت من 73 ) . و هو كان باني مخالف ( ابويا رزعه شكوي لبسته 250 الف . دا غير قضايه رشوي لانه محصل ضرائب و اترفد من شغله ) و من ساعتها مقربش مننا تاني حتي مبيردش السلام .

ف دلوقتي نفسي اعرف ليه حد تفكيره يوصله لكدا بجد ؟ يعني حد اداك ارض تبني عليها انت مش حابه ليه ؟ يعني معملكش اي حاجه !