إية هو معني الحياة؟

بعد ما قضيت فترة طويلة بفكر في الدين والحياة والوجود بشكل عام وصلت لقناعة خلتني أسأل نفسي أسئلة عمرها ما كانت بتفارق البشر من آلاف السنين لو افترضنا إن الأديان مجرد قصص أو محاولات بشرية لفهم العالم من حوالينا يبقى إيه معنى وجودنا أصلًا؟ ليه إحنا هنا؟ وإيه الهدف من كل التعب والمشاعر والأحلام والعلاقات اللي بنعيشها؟ ساعات ببص للحياة وبحس إنها غريبة بشكل مش طبيعي إحنا بنتولد من غير ما نختار بنقضي سنين بنتعلم ونشتغل ونجري ورا أهداف مختلفة وبعدين في الآخر بنموت فإيه اللي المفروض يخلي كل ده له معنى؟ هل المعنى حاجة موجودة فعلًا وإحنا بس لسه ما اكتشفناهاش؟ ولا المعنى حاجة كل واحد بيخلقها لنفسه؟ ولو مفيش معنى أكبر أو هدف كوني للحياة، هل ده يخلي وجودنا بلا قيمة؟ ولا العكس هل ده بيدي لحياتنا قيمة أكبر لأن كل لحظة بقت نادرة ومحدودة؟ أنا مش بدور على إجابة دينية أو إجابة جاهزة أنا مهتم أعرف الناس اللي مرت بنفس التساؤلات دي وصلت لإيه هل حد فعلًا لقى معنى للحياة؟