# المشكلة مش بس إني رسمتلها صورة في دماغي المشكلة أعمق ، تخيل إنك من أول ثانية ما شفتهاش أصلا شفت النسخة الوحيدة اللي عقلك قادر يشوفها. صوتها وصللك بعد ما مر على ذكرياتك، وكلامها وصل لك بعد ما مر على مخاوفك، وملامحها وصلت لك بعد ما مرت على رغباتك. وكل حاجة فيها عدت على مصنع ضخم الي هو انت ، فخرجت في النهاية بشكل مفهوم بالنسبة لك.انت موقعتش في حبها انت وقعت في حب الطريقه الي ظهرت بيها في وعيك ، يمكن  عمرك ما لمستها اصلا زي مهي في ذاتها فعلا ، ولا مرة ، هي كانت مترجمة مش اكتر ، نسخه أعاد عقلي إنتاجها عشان يقدر يفهمها وكانط فشخني وقالي مفيش عندك دليل كمان انك تجاوزت الترجمة دي ولو للحظة واحده أنت محبوس داخل وعيك بتتخيل أنك بتبص للعالم بينما انت كل الي بتشوفه في النهاية هو العالم بعد معبرك.

أنا عارف والله ي كانط انها مجرد نتاج من خيالي وإن أنا محبتهاش هي أنا حبيت الصورة الي رسمتها والي كونتها عنها ، بس عشان خاطري كفاية ، رجعلي أوهامي والنبي معتش عارف اعيش ، رجعها يبن الاحبه