اسلام: ذاتی ذمہ داری یا مذہبی مونوپولی؟

&#x200B;

تاریخ بنانا الگ بات ہے اور تاریخ بن جانا الگ بات ہے۔ مسلمان 1200 سال سے زیادہ عرصے سے تاریخ بن چکے ہیں۔ 

اب وہ پرانی کتابوں، پرانے افکار اور پرانی لڑائیوں پر زندہ ہیں۔ جب کوئی "نئی اسلامی تاریخ" بنانے کی بات کرتا ہے تو بحث فوراً فرقہ واریت، لعن طعن اور ایک دوسرے پر برتری کے دعووں تک محدود ہو جاتی ہے۔

&#x200B;

 یہ جمود اتفاقی نہیں، بلکہ ایک سوچے سمجھے نظام کا نتیجہ ہے۔

&#x200B;

اس نظام کا نام ہے مذہبی مونوپولی — 

&#x200B;

اسلام کو ایک فریچائز بنا کر چلانا۔

&#x200B;

اسلام وہ دین ہے جس کی کوئی برانچ نہیں

&#x200B;

اسلام نبی کریم ﷺ پر مکمل ہو چکا۔ اللہ تعالیٰ نے خود فرمایا: "الْيَوْمَ أَكْمَلْتُ لَكُمْ دِينَكُمْ"۔ 

جو چیز مکمل ہو جاتی ہے، وہ اپنا کوئی وارث نہیں چھوڑتی۔ 

&#x200B;

اسلام کی کوئی آل اولاد نہیں، نہ کوئی خاندانی وراثت مذہبی اختیار کے لیے۔ 

&#x200B;

مگر آج ایک مخصوص طبقہ خود کو اسلام کا واحد نگہبان، ترجمان اور مستقل مفسر بنا کر بیٹھا ہے۔ وہ لوگ اسلام کے نام پر مختلف دکانیں چلا رہے ہیں — نکاح، طلاق، جنازہ، استخارہ، دعا، تعویذ، روحانی علاج۔

&#x200B;

 یہ لوگ اسلام کے اصل مالکان نہیں، بلکہ خود ساختہ دعویدار ہیں جنہوں نے مذہب کو ذریعہ معاش، طاقت اور کنٹرول کا آلہ بنا لیا ہے۔

&#x200B;

"فَاسْأَلُوا أَهْلَ الذِّكْرِ" — اصل سیاق اور غلط فہمی

&#x200B;

جب مشرکین مکہ نے کہا کہ محمد ﷺ انسان ہیں تو اللہ نے فرمایا: 

&#x200B;

اگر تم نہیں جانتے تو اہل ذکر (اہل کتاب) سے پوچھ لو۔ وہ جانتے ہیں کہ ان کے نبی بھی انسان تھے، ان پر وحی آتی تھی۔

&#x200B;

یہ آیت ماہر سے مشورہ 

(expert consultation)

 کا اصول سکھاتی ہے۔ مگر اسے ایک مخصوص طبقے کی اجارہ داری ثابت کرنے کے لیے استعمال کیا جا رہا ہے۔

&#x200B;

 "تم عام آدمی ہو، کچھ نہیں جانتے، ہم سے پوچھو" — یہ رویہ آیت کے مقصد سے بالکل الٹ ہے۔

&#x200B;

 آیت جہالت دور کرنے کے لیے ہے، جہالت کو مستقل بنانے کے لیے نہیں۔

&#x200B;

اللہ کی حکمت: نماز میں قرآن

&#x200B;

اللہ کی بے پناہ حکمت ہے کہ اس نے قرآن کو نماز کے اندر لازمی کر دیا۔ 

&#x200B;

نتیجہ یہ نکلا کہ عرب ہو یا عجم، ہر مسلمان روزانہ قرآن کی آیات عربی میں پڑھتا ہے۔ سمجھ نہ آئے تب بھی کنکشن برقرار رہتا ہے۔

&#x200B;

اگر یہ حکمت نہ ہوتی تو آج ہمارا حال ہندوستان جیسا ہوتا:

ایک پجاری سنسکرت میں اشلوک پڑھتا، باقی پورا معاشرہ اس کا محتاج۔ شادی، پوجا، موت — سب کچھ پجاری کے ہاتھ میں۔

&#x200B;

مگر اسلام نے ہر مسلمان کو اپنے دین کا ذمہ دار بنایا۔اسلام فرد کو آزاد کرتا ہے

&#x200B;

نکاح: دو گواہ، مہر، رضامندی — خود پڑھا جا سکتا ہے۔ ملا لازمی نہیں۔

جنازہ: غسل، کفن، نماز جنازہ — عام مسلمان کر سکتے ہیں۔

روزہ، زکاۃ، حج: بنیادی احکام ہر ایک کے لیے واضح ہیں۔

&#x200B;

اسلام کہتا ہے: تم خود پڑھو، خود سمجھو، خود عمل کرو۔ جہاں مشکل ہو، ماہر سے مشورہ لے لو — مگر غلام نہ بنو۔

&#x200B;

استخارہ — سب سے بڑی مثال

استخارہ کا مطلب ہے اللہ سے بہتری مانگنا۔ یہ تمہارا معاملہ ہے، تمہاری زندگی ہے، تمہارا فیصلہ ہے۔ تم خود دو رکعت پڑھو، دعا مانگو، اور اللہ پر بھروسہ کرو۔

&#x200B;

مگر آج کیا ہو رہا ہے؟

لوگ ملا صاحب کے پاس جاتے ہیں، پیسے دیتے ہیں، اور کہتے ہیں "استخارہ کر دیں۔" ملا خواب دیکھتا ہے (یا خواب دکھاتا ہے) اور فیصلہ سنا دیتا ہے۔

&#x200B;

یہ بالکل ویسا ہے جیسے کوئی اپنی بیوی سے بات کرنے کی بجائے کسی تیسرے شخص سے کہے کہ "میرے لیے میری بیوی سے بات کر لو۔

&#x200B;

" ارے بھائی! معاملہ تمہارا ہے، رب سے خود مشورہ کرو۔

اللہ فرماتا ہے:

شہ رگ سے بھی قریب

"وَنَحْنُ أَقْرَبُ إِلَيْهِ مِنْ حَبْلِ الْوَرِيدِ

"ہم تم سے تمہاری شہ رگ سے بھی زیادہ قریب ہیں۔

&#x200B;

اس آیت میں کوئی درمیانی واسطہ نہیں۔ نہ ملا، نہ پیر، نہ شیخ، نہ کوئی روحانی دلال۔ 

&#x200B;

یہ براہ راست کنکشن ہے۔ اسلام میں کوئی پادری سسٹم نہیں۔ ہر انسان خود ذمہ دار ہے۔ قیامت کے دن کوئی دوسرا تمہارا بوجھ نہیں اٹھائے گا۔

&#x200B;

جب سبلیٹ کرتے ہیں تو کیا ہوتا ہے؟

&#x200B;

اپنا دین جب کسی مخصوص طبقے کو سبلیٹ کر دیتے ہو تو وہ فوراً مونوپولی بنا لیتا ہے۔

وہ فیصلہ کرتا ہے کہ کون صحیح مسلمان ہے اور کون غلط۔

وہ نئی سوچ کو کفر کہتا ہے۔

وہ اختلاف کو فتنہ قرار دیتا ہے۔

اور تم 1200 سال پرانی سوچ کے قیدی بن جاتے ہو۔

&#x200B;

یہ اسلام کا نظام نہیں، ہمارا بنایا ہوا کلچر ہے۔

&#x200B;

آخر میں

مذہب کوئی بلڈنگ یا پراجیکٹ نہیں جو ہم نے کسی کو سبلیٹ کر دیا ہو۔

&#x200B;

مذہب انسان اور رب کا ذاتی معاملہ ہے۔اللہ نے ہمیں آزاد بنایا تھا۔ ہم نے خود کو غلام بنا لیا۔

&#x200B;

اللہ نے براہ راست کنکشن دیا تھا۔ ہم نے درمیان میں بہت سے دلال کھڑے کر لیے۔اب وقت آ گیا ہے کہ ہم اس سبلیٹ کو ختم کریں۔

&#x200B;

قرآن خود پڑھیں، خود سمجھیں۔

اپنے معاملات میں خود اللہ سے رجوع کریں۔

ماہر سے مشورہ لیں مگر غلام نہ بنیں۔

&#x200B;

جب تک فرد مذہب کی ذمہ داری خود نہیں سنبھالے گا، تب تک ہم تاریخ بنانے والے نہیں، بلکہ تاریخ بن چکے لوگ ہی رہیں گے۔اللہ ہم سب کو سیدھا راستہ دکھائے اور براہ راست اپنے ساتھ جوڑے رکھے۔ آمین۔

اسلام: ذاتی ذمہ داری یا مذہبی مونوپولی؟ تاریخ بنانا الگ بات ہے اور تاریخ بن جانا الگ بات ہے۔ مسلمان 1200 سال سے زیادہ عرصے سے تاریخ بن چکے ہیں۔