ياجماعه ارجوكم احتاج ردودكم بدون احكام الله يعافيكم للي فيني مكفيني اجلدوني عادي بس لاترددون كلام انها امك وكذا الحين بقول لكم المشكله

انا طالبه في الثانوي انا الامل لخواتي واخواني في الدرجات العاليه والوظيفه لدرجة انهم محددين وش يبوني ادخل من وانا طفله مو بس اخواتي لا ابوي وامي بعد انا تعبت لان مو مسموح لي اطلع الا للمدرسه انتم متخيلين وماعمري احد وداني البقاله الا احيان اروح بدون علمهم مع الباص والصراحه مو همي الوحيد اني اطلع ما اهتم لها الشئ واجد لان هاذا خلاني انطوائيه وعندي رهاب اجتماعي اخاف احكام الناس واكرهم وازيدكم انا من النوع للي مجرد ما اسمع شرح المعلمه افهم ودرجاتي جدا كويسه وحتى لو ماذكرت لكن مع ذالك احب المذاكره لكن هم كرهوني فيها مع اننا عائله متقدره ومتوسط حالنا الا اننا مانشتري اغراض مدرسه الا بعد كل سنتين وبرضو ماهمني ها الشئ امي دايما تهاوشني اني ليش ما اذاكر وانا والله اكون مذاكره بس اروح اخذ بريك على الجوال كم دقيقه وسبحان الله ماتشوفني الا اذا جلست على الجوال وتجلس تهاوشني ومرات توصل لي مدت اليد وتضربني وانا كبير الصراحه معاد ياثر فيني الضرب لكن للي ياثر فيني كلامها مره قالت لي انتي مو بنتي ابعدي عن بناتي لاتخربينهم من كثر مابكيت معاد صرت قادره ابكي ولما تشوفني اذاكر تفصل النت وتنكد علي واسكت واذا نمت ولو ساعات قليله قالت دايما نايمه وتحب تحط حرتها فيني حتى لو بدون سبب والمشكله ان اخواني كثير وماتحطها الا فيني انا واخواتي واذا استفزتني وبكيت تقول ها تمثل تقلد المسلسلات تكفون حطوني حل لاني انا قريت في علم النفس وانا ادرك انها نرجسيه